Дар шаҳри Душанбе рӯзи 22 март Форуми II байналмилалии “Наврӯзи Душанбе – меҳвари робитаҳои фарҳангию сайёҳӣ” баргузор мешавад.
Бино ба иттилои дафтари матбуоти шаҳрдории Душанбе, ин чорабинӣ бо мақсади ташвиқу тарғиби ғояҳои созандагии Иди байналмилалии Наврӯз, фарҳангу таърихи миллати тоҷик, муаррифии имкониятҳои сайёҳии кишвар, ҷалби сайёҳон, сармоягузорӣ, рушди имкониятҳои соҳибкорӣ ва таҳкими ҳамкориҳои бародаршаҳрӣ доир мегардад.
Дар робита ба пойтахти фарҳангии Иттиҳод эълон шудани Душанбе дар соли 2021, ба иштирок дар кори форум намояндагони ҳамаи давлатҳои узви Иттиҳоди Давлатҳои Мустақил даъват шудаанд.
То имрӯз Ӯзбекистон, Русия ва Кумитаи иҷроияи Иттиҳод иштироки намояндагони худро дар кори форуми Душанбе тасдиқ карданд.
Барои баргузории форум аз буҷети шаҳр ҳудуди 428 ҳазор сомонӣ маблағ ҷудо карда мешавад.
Ёдра мекунем, ки Форуми I байналмилалии “Наврӯзи Душанбе – меҳвари робитаҳои фарҳангию сайёҳӣ” 22 марти соли 2019 баргузор шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
