Низомиёни қирғиз пули деҳаи Чорқишлоқ дар масири Исфара-Чоркӯҳ-Хоҷаи Аъло-Ворухро тахриб кардаанд. Хабарнигори "Asia-Plus" аз ҷойи ҳодиса хабар медиҳад, ки пул комилан тахриб нашудааст, вале роҳи нақлиёт баста аст.
Ҳоло роҳ ба самти Чоркуҳ танҳо танҳо тариқи роҳи "Зумрад" имконпазир аст, иброз дошт ӯ. Хабарнигори мо мегӯяд, ки дар деҳаҳои Чорбоғ ва Сурх аз ду самт тирпарониҳо шунида мешавад. Мардуми деҳаҳои Сурх, Чорбоғ, Хоҷаи Аъло, Чоркуҳ ва Ворух аз вазъияти рухдода хеле нигаронанд.
Гуфта мешавад, ки аз ҷониби Қирғизистон аз доманакӯҳҳо ба миёнаҷойи деҳаҳои аҳолинишин тир холӣ карда мешавад.
“Дар Ворух ҳам тирпаррониҳо оғоз шудааст. Яку якбора дар чандин мавзеъҳои марзӣ тирпарониҳо сурат гирифта истодааст. Тарафҳо бо автомат, нориҷакандоз ва миномиёт тир мепаронанд",- хабар доданд ба "Азия-Плюс" аз маъмурияти ҷамоати Ворух
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
