Вазорати корҳои дохилии Тоҷикистон аз боздошти як сокини 33-солаи ноҳияи Рӯшон хабар медиҳад, ки ба гуфтаи ин ниҳод сокини дигари ин ноҳияро бо корд задааст.
Ба гуфтаи ВКД ин сокини ноҳияи Рӯшони ВМКБ, ки аз он ном бурда нашудааст, пештар ҳам бар асоси моддаи 237 қисми 2-и Кодекси ҷиноятии Ҷумҳурии Тоҷикистон суд шуда будааст.
Бино ба навиштаи дафтари матбуоти ВКД "номбурда ҳангоми дар маркази ноҳия, дар ҳолати мастӣ қарор доштанаш аз ҳиссиёти авбошӣ тартиботи ҷамъиятиро вайрон намуда, бо марди 34-солаи сокини ноҳияи мазкур муноқиша карда, бо олоти халандаю буранда 1-маротиба ба қисмати чапи шикамаш задааст".
Ҷабрдидаи ин ҷанҷол дар беморхона бистарӣ гардидааст.
ВКД аз боз шудани парванда чизе нагуфтааст ва танҳо гуфтааст, ки "аз рӯи ин ҳодиса тафтишот идома дорад".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
