Рӯзи 26 май сафири Ҷопон дар Тоҷикистон Мияшита Такаюки бо Адҳам Маъмурзода, раиси шаҳри Истаравшан дар маросими анҷом ёфтани “Лоиҳаи дастрас намудани таҷҳизот барои маркази хизматрасонии калонсолон ва маъюбон дар шаҳри Истаравшан ба номи Имомназар Худойназаров” иштирок карданд.
Лоиҳаи мазкур дар чаҳорчӯбаи “Барномаи кӯмакҳои бебозгашт барои бахши аъзами аҳолӣ (GGP)” амалӣ гардид. Барои муҷаҳҳазгардонии маркази минтақавии хизматрасонии калонсолон ва маъюбон ба номи Имомназар Худойназаров грант ба маблағи 10,052 доллари ИМА ҷудо карда шуд. Пас аз анҷоми бомуваффақияти лоиҳа, корбарони марказ имконият пайдо карданд, ки хизматҳои беҳтари иҷтимоӣ гиранд.
Қабл аз татбиқи лоиҳа, марказ аз сабаби набудани таҷҳизот барои нигоҳдории мунтазам ва дурусти маҳсулот ва хизматрасонӣ барои меҳмонони марказ ба мушкилот дучор омад. Таҷҳизоти мавҷуда аллакай фарсуда буданд ва бо ивазшави ниёз доштанд. Пас аз татбиқи лоиҳа меҳмонони марказ ба таҷҳизоти нав дастрасии озод пайдо намуданд ва акнун, сифати пухтупаз ва нигоҳдории хӯрок беҳтар хоҳад шуд.
Зимни суханронӣ дар маросим Мияшита қайд намуд, ки: «Калонсолон ва маъюбон дар ҷомеа ба диққат ва ҳимояи махсус ниёз доранд. Ман нақши ин марказро аз ин нуқтаи назар бисёр қадр мекунам. Ман мехоҳам ба ҳамаи кормандони ин марказ, ки барои беҳбудии манфиатбарандагони марказ кушиши зиёд мекунанд, миннатдориамро баён намоям. Ин лоиҳа пеш аз ҳама иқтидори ошхонаро беҳтар мекунад. Ман боварӣ дорам, ки ҳар як хӯроки гарми дар ин ҷо омодашуда ҳамаи одамони ин марказро солим ва хушбахттар мекунад».
ИЗОБРАЖЕНИЕ
Биноан Ҳукумати Ҷопон тасмим гирифтааст, ки дар оянда низ дар ҳамкорӣ бо мардуми Тоҷикистон баҳри бунёди ҷомеаи беҳтар кӯмаки хешро идома медиҳад.
Кӯмакҳои бебозгашт барои бахши аъзами аҳолӣ ва амнияти башарӣ (GGP) тарҳи Барномаи расмии Ҷопон оид ба рушд мебошад.
Алалхусус, лоиҳаҳои кӯмакҳои бебозгашт барои бахши аъзами аҳолӣ ва амнияти башарӣ барои дастгирӣ намудани соҳаҳои мухталифи бахши аъзами аҳолӣ дар сартосари Ҷумҳурии Тоҷикистон равона шуда ба ҳокимиятҳои маҳаллӣ, соҳаҳои маориф ва тандурустӣ, ҳамчунин ба созмонҳои ғайридавлатӣ расонида мешавад.
Аз соли 1996 то инҷониб, кӯмакҳои бебозгашт барои бахши аъзами аҳолӣ ва амнияти башарӣ 380 лоиҳаро ба маблағи умумии $30,7 миллион доллари ИМА дар Тоҷикистон амалӣ намудааст.
