Аз ҳисоби маблағгузории Тоҷикистон дар шаҳраки Мерганчаи ноҳияи Ургути вилояти Самарқанди Ӯзбекистон мактаби таҳсилоти умумӣ сохта шуд. Имрӯз он мавриди баҳрабардорӣ қарор мегирад.
Дар маросими ифтитоҳи мактаб вазири маориф ва илми Тоҷикистон Муҳаммадюсуф Имомзода ва вазири маорифи Ӯзбекистон Шерзод Шерматов иштирок мекунанд, хабар дод ба “Азия-Плюс” як манбаъ аз ҳукумати Тоҷикистон.
Дар мактаби нав 640 нафар толибилмон дар як баст ба таҳсил фаро гирифта мешаванд. Ин муассиса бар асоси қарордоди сарони кишварҳои Тоҷикистону Ӯзбекистон аз рӯйи натиҷаҳои сафари давлатии президенти Ӯзбекистон Шавкат Мирзиёев ба Душанбе дар моҳи марти соли 2018 сохта шуд.
Ба ғайр мактаб дар Самарқанд, Тоҷикистон дар ноҳияи Риштони вилояти Фарғонаи Ӯзбекистон як кӯдакистон низ месозад.
Ёдрас мекунем, ки дар навбати худ Ӯзбекистон дар ноҳияи Спитамени вилояти Суғд мактаби замонавӣ ва дар ноҳияи Қубодиёни виляоти Хатлон бемористони бисёрсоҳавӣ бунёд кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
