Дар 24 соати ахир дар Тоҷикистон ҳамагӣ 21 ҳолати нави сироят ёфтан ба бемории каронавируси COVID 19 ошкор шудааст. Ин маълумотро Вазорати тандурустӣ нашр кардааст.
Ба иттилои Вазорат аз шумораи умумии гирифторон 14 нафар дар хуруҷи дубораи каронавирус дар Тоҷикистон табобат шудаву ба хонаҳояшон баргаштанд.
Ин ҳам дар ҳолест, ки сар аз имрӯз дар Тоҷикистон маъракаи воксинзанӣ ба таври густарда оғоз шуд. Аз ҷумла, Вазорати тандурустӣ хабар дод, ки тамоми сокинони аз 18-сола болои шаҳри Душанбе воксин зада мешаванд. Ба ҷуз ин гуруҳҳои сайёри воксинзанҳо ташкил шуда, бархе сокинонро дар хонаҳояшон низ воксин мезананд.
Ҳамчунин сар аз имрӯз дар масоҷиди шаҳри Душанбе ҳам воксинзании намозгузоронро оғоз карданд ва дар назди масҷидҳо гуруҳҳои сайёрро барои воксин задани намозгузорон эъзом карданд.
Дар маҷмӯъ, бино ба иттилои Вазорати тандурустӣ, аз аввали бақайдгирӣ то имрӯз, 25 июн дар кишвар 13392 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13243 нафар (98,9%) шифо ёфтаанд. Ҳамзамон, бар асари бемории мазкур 90 нафар фавтидаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
