Содир Ҷабборов раисҷумҳури Қирғизистон дар мулоқоти як ба якаш бо Эмомалӣ Раҳмон, бо изҳори қадрдонӣ аз пазироӣ, гуфт, ки равобти кишвараш бо Тоҷикистон пас аз ҳаводиси 28-уми апрел даврони сахтеро пушти сар мегузорад ва бояд ин мушкилот ҳал карда шаванд.
"Равобити мо пас аз ҳаводиси 28-уми апрел даврони мушкилеро пушти сар мекунад. Барои мо зарур аст, ки мушкилотро ҳал кунем, то дар оянда ин гуна ҳаводис такрор нашаванд. Қирғизҳову тоҷикони мардумони бародаранд",-гуфт Ҷабборов.
Дар оғози ин мулоқт Эмомалӣ Раҳмон ба ҳамтои қирғизаш гуфт, ки мо ба сафари шумо аҳаммияти зиёде қоилем.
"Хеле хушам аз ин сафари Шумо ба Тоҷикистон. Мо ба ин сафари расмии шумо аҳаммияти зиёде қоилем. Ин нахустин сафари шумо ба Тоҷикистон пас аз интихоб шуданатон ба унвони президенти Қирғизистон аст. Дар ин росто барои Шумо барору муваффақият орзу мекунам. Мо бояд тамоми бахшҳои равобити дуҷонибаро баррасӣ кунем. Мо ба рушди босамари ҳамкориҳоямон манфиатдорем",-гуфт Раҳмон.
ИЗОБРАЖЕНИЕ Asia-Plus
Дар назар аст, ки пас аз дидори ҳайатҳои васе ду тараф, қабл аз зуҳри имрӯз 4 санади нави ҳамкорӣ миёни Тоҷикистону Қирғизистон ба имзо бирасад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
