Дар Кумитаи ҳолатҳои фавқулода ва мудофиаи граждании Тоҷикистон 6 сентябр маросими имзои Созишномаи ҳамкорӣ миёни КҲФ ва Каритас Интернационалис дар ҶТр мавриди татбиқи лоиҳаи Каритас – расонидани ёрӣ ба зарардидагон аз бодлеси замин (эрозия), ки дар ҷамоати деҳоти Навободи ноҳияи Ҷомӣ рух дода буд, баргузор шуд.
Тавре ки маркази матбуоти Кумита хабар медиҳад, муоҳадаро Раиси КҲФ генерал-полковник Рустам Назарзода ва директори Каритас Интернационалис дар Тоҷикистон ҷаноби Ёрмуҳаммад Холов имзо карданд.
Ба иттилои манбаъ, мутобиқи санади имзошуда Caritas Internationalis ба 30 хонаводаи зарардидаи ноҳияи Ҷомӣ аз бодлеси замин (эрозия) барои беҳтар кардани шароити зист, таъмин бо оби нӯшокӣ, ҳолати беҳдоштӣ, ҳамчунин боло бурдани донишҳо ва малакаҳои сокинон дар масъалаҳои коҳиши хатари офатҳои табиӣ кумак дарёфт мекунанд.
Гуфта мешавад, қарор аст то моҳи феврали соли 2022 ин Созишнома амалан татбиқ шавад.
Ёдрас мекунем, ки 7 майи соли равон дар деҳаи Навободи ноҳияи Ҷомӣ бар асари боришоти шадид ва фурӯ рафтани қитъаи замин 15 нафар хонаводаҳои ин маҳал бесарпаноҳ монда, барои онҳо хаймаҳои муваққатии зист сохта шуда буд.
ИЗОБРАЖЕНИЕ
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
