Мусобиқаи Чемпионати 30-юми Лигаи олии футболи мамлакат ба поён расид. Аз рӯи натиҷаҳои он дастаи “Истиқлол”-и Душанбе дар мусобиқаи Лигаи қаҳрамонҳои Конфедератсияи футболи Осиё (КФО)-2022 ва “Хуҷанд”-у КМВА (ЦСКА) дар Ҷоми КФО-2022 иштирок мекунанд.
Дар даври охир дорандаи медалҳои биринҷии мусобиқа ва дастаи дуюме, ки лига олиро тарк мекунад, маълум шуд.
Тавре маркази матбуоти ФФТ хабар медиҳад, дар даври 27-ум КМВА-и Душанбе тими “Хуҷанд”-ро бо ҳисоби 1:0 мағлуб намуда, ба медалҳои биринҷии чемпионат соҳиб шуд. “Кӯктош” аз ноҳияи Рӯдакӣ бозиро бо ҳисоби 1:2 ба “Истиқлол” бохта, акнун ҳамроҳи дастаи “Душанбе” имсол лигаи олиро тарк мекунад.
Ба ин тариқ, қаҳрамони кишвар – “Истиқлол” соли оянда дар марҳилаи гурӯҳии Лигаи қаҳрамонҳои КФО бозӣ карда, дорандаи медалҳои нуқра ва биринҷии чемпионат – “Хуҷанд” ва КМВА Тоҷикистонро дар марҳилаи гурӯҳии Ҷоми КФО-2022 намояндагӣ мекунанд.
Нишонзани беҳтарини мавсими имсолаи чемпионат ҳамлагари тими “Истиқлол” Манучеҳр Ҷалилов дониста шуд, ки ба дарвозаи ҳарифон 18 тӯб ба нишон расонидааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
