Дар робита ба барфи пуршиддат дар шоҳроҳи Душанбе-Чанок ба равуои мошинҳои боркаш бо ядак (притсеп) ва мошинҳои боркаши бузургҳаҷм (фура) муваққатан маҳдудият ҷорӣ шуд, хабар доданд ба “Азия-Плюс” аз филиали ширкати IRS , ки масъулияти нигоҳубин ва ҷамъоварии пул дар ин шоҳроҳро ба уҳда дорад.
“Сарфи назар аз барфи пуршиддат, айни замон роҳ барои ҳаракати мошинҳо боз аст, лекин барои мошинҳои боркаш бо ядак ва мошинҳои боркаши бузургҳаҷм маҳдудият вуҷуд дорад”, – гуфтанд дар дафтари матбуоти ширкат.
Маҳдудияти муваққатӣ ба ин навъи воситаи нақлиёт ба он вобаста аст, ки барои ҳаракати дигар навъи нақлиёт монеъа эҷод нашавад.
Дар ширкат инчунин хабар доданд, ки дар ағбаҳои шоҳроҳи Душанбе-Чанок айни замон барфи пуршиддат борида истодааст.
Ёдрас мекунем, ки дар робита ба корҳои таъмир, шурӯъ аз имрӯз ба ҳаракати нақлиёт дар нақби “Истиқлол” маҳдудият ҷорӣ карда мешавад.
“Сар аз имрӯз, 20 декабр ҳамарӯза аз соати 9:00 то 13:00 ҳаракати нақлиёт тариқи нақб аз ду самт боздошта мешавад. Ин маҳудудият 10 рӯз давом мекунад”, – илова карданд дар IRS.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
