Сомон Маҳмадбеков, Шодмон Ризоев, Ҷаҳонгир Маҷидов ва Темур Раҳимов чор паҳлавони ҷудокор Тоҷикистонро дар дар Гранд-слами Телавив-2022 муаррифӣ мекунанд.
Мусобиқоти ҷудои Grand Slam Telaviv 2022 рӯзҳои 17-19 феврал дар пойтахти кишвари Исроил баргузор мешаванд.
Дар ин мусобиқот, Сомон дар вазни -73, Шодмон -81, Ҷаҳонгир -90 ва Темур +100 рақобат мекунанд.
Бино ба иттилои Федератсияи ҷаҳонии ҷудо дар ин сабқатҳо миёни мардон ва бонувон ширкати 317 паҳлавон аз 34 кишвари сайёра дар назар аст. Аз ҷумла 162 мард ва 155 варзишгарбону ширкат мекунанд.
Мардҳо дар вазнҳои -60, -66, -73, -81, -90, -100 ва +100 ва бонувон дар -48, -52, -57, -63, -70, -78 ва +78 неру месанҷанд.
Маблағи умумии ҷоизаи мусобиқоти "Grand Slam Tel aviv 2022" 154 ҳазор евро мебошад, ки барои ҳар варзишгаре, ки мақомҳои 1,2 ва 3-ро соҳиб мешаванд, чунин ҳадяҳо дода мешавад:
Ҷойи якум, 5 ҳазор евро, ки аз ин 1000 евро барои мураббӣ аст;
Ҷойи дуюм, 3 ҳазор евро, ки 600 еврои барои муррабӣ;
Ҷойи сеюм, 1500 евро ва 300 евро барои мураббӣ.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
