Омина Худойқулова як мактабхони 14-сола аз ноҳияи Восеъ дар Олимпиадаи байналмилалии Teeneagle ONLINE аз фанни забони англисӣ сазовори ҷойи аввал ва медали тилло гшудааст.
Омина хонандаи синфи 8-и Литсейи давлатии №1-и ноҳияи Восеъ буда, дар даври ниҳоии олимпиада, ки аз 31 июл то 7 августи соли 2022 дар донишгоҳи «Брунел» — и шаҳри Лондони Бритониёи Кабир баргузор мегардад, ширкат хоҳад кард.
Хабаргузории давлатии «Ховар» хабар медиҳад, ки ҳадаф аз баргузории олимпиада дар сатҳи баланд омӯхтани забони англисӣ буда, ширкаткунандагоне, ки дар ҳама даврҳои ин олимпиада ғолиб омадаанд, тибқи низомномаи озмун метавонанд барои таҳсили ройгон дар 12 донишгоҳи бонуфузи Англия роҳхат бигиранд.
Бояд гуфт, ки олимпиадаи Teeneagle ONLINE рӯзи 26-уми марти соли равон тариқи фосилавӣ баргузор гардида буд ва ин хонандаи тоҷик мақоми аввалро ба даст овардааст.
ИЗОБРАЖЕНИЕ
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
