Вазири корҳои хориҷии Ҷумҳурии Мардумии Чин Ван И бо сафари расмӣ ба Тоҷикистон меояд. Сафар бо даъвати вазири корҳои хориҷии Тоҷикистон Сироҷиддин Муҳриддин сурат мегирад, хабар медиҳад Синьхуа.
Гуфта мешавад, инчунин боздиди Ван И аз кишварҳои ҳамсояи Ӯзбекистон ва Қирғизистон дар назар аст.
Дар Ӯзбекистон ӯ рӯзҳои 28-29 июл дар кори ҷаласаи Шӯрои вазирони корҳои хориҷии кишварҳои узви Созмони ҳамкории Шанхай иштирок мекунад.
Сафарҳои Ван И ба ин кишварҳо низ бо даъвати иҷрокунандаи вазифаи вазири корҳои хориҷии Ӯзбекистон Владимир Норов ва вазири корҳои хориҷии Қирғизистон Жээнбек Кулубаев анҷом мепазирад.
Аз ҷузъиёти сафари вазири корҳои хориҷии Чин Ван И ба се кишвари Осиёи Марказӣ маълумот дода нашудааст.
