Ҷасади Маҳинбону Ҳафизоваи 26-сола, зане ки дар пайи муноқишаи хонаводагӣ бо мақсади худкушӣ худро ба дарёи Сорбоғи ноҳияи Рашт партофта буд, имрӯз, 24 август ёфт шудаст.
Кумитаи ҳолатҳои фавқулодаи Тоҷикистон бо нашри як хабар дар ин бора гуфтааст, ки ҷасади Маҳинбонуро дар дарёи Сорбоғ, 5 км поинтар аз деҳаи Поҷеи Болои минтақаи Рашт пайдо кардаанд.
Ин ниҳод гуфтааст, ки Маҳинбону Ҳафизова рӯзи 6-уми августи соли равон баъди як муноқиша бо шавҳар ва хушдоманаш даст ба худкушӣ зада буд.
“Дар пайи ин ҳодиса мақомоти ҳифзи ҳуқуқ шавҳари ӯ Султони Абдувоҳидро боздошт карданд ва барои ба худкушӣ расондани ҳамсар парвандаи ҷиноӣ боз кардаанд”, – гуфтааст КҲФ.
Ёдовар мешавем, ки дар шаш моҳи соли ҷорӣ, 108 ҳолати худкушӣ ва сӯиқасд ба ҷони худ аз ҷониби занон ва духтарони ноболиғ ба қайд гирифта шудааст. Ин нишондиҳанда нисбат ба ҳамин давраи соли 2021 адад кам аст.
ИЗОБРАЖЕНИЕ
Дар ҳамин ҳол, коршиносон мегӯянд, сабаби аслии даст ба худкушӣ задани занону духтарон низоъҳои оилавӣ ва хушунати хонаводагӣ мебошад.
Мақомот ин иддаоро рад карда, худкушии занону духтаронро бештар ба бемории рӯҳӣ рабт медиҳанд.
