Мошини сабукрави тамғаи «Mercedes-Benz», ки ба як сокини деҳаи Лакати шаҳри Истаравшан таалуқ дорад, рӯзи 9-уми сентябр, дар километри 66-и роҳи Душанбе – Чаноқ, ҳангоми ҳаракат аз самти Хуҷанд ба Душанбе бо мошини боркаши сокини шаҳри Ҳисор бархӯрдааст. Дар ин бора Кумитаи ҳолатҳои фавқулода хабар медиҳад.
"Дар натиҷаи ин садама ду мусофири мошини «Mercedes-Benz», ки яке 64-сола ва дуюмӣ 79-сола буда, ҳарду сокинони шаҳри Истаравшани вилояти Суғд мебошанд, ба ҳалокат расиданд", – омадааст дар хабар.
Сабаби садама маълум нест, аммо ба эҳтимоли зиёд ҳангоми рӯбарӯ омадан ронанда аз ӯҳдаи идораи мошин набаромадааст, менависад сомонаи КҲФ.
Мусофири дигар, ки зода ва сокинони Истаравшан мебошанд, бо ҷараҳатҳои гуногун ба бемористони ноҳияи Варзоб интиқол дода шуданд.
Сабаби ҳодисаро мақомоти ҳифзи ҳуқуқ таҳқиқ мекунанд.
