Аз моҳи январ то сентябри соли 2022 зиёда аз 870,7 ҳазор шаҳрвандони хориҷӣ аз Тоҷикистон боздид кардаанд, хабар медиҳад АМИТ “Ховар” бо истинод ба Агентии омори ҷумҳурӣ.
Ин нишондиҳанда, тибқи иттилои Агентӣ, 2,5 баробар зиёдтар нисбат ба ҳамин давраи соли гузашта (526,7 ҳазор) аст.
Аз 870,7 ҳазор нафари зикршуда, зиёда аз 685,3 ҳазор нафарашон ба сифати сайёҳ арзёбӣ мешаванд. Нишондиҳанда дар як сол 3,7 баробар зиёд шудааст.
Дар ин давра аз ҳама бештар шаҳрвандони Ӯзбекистон, Русия ва Қазоқистон ба Тоҷикистон омадаанд.
Дар таносуби шумора маълумот тариқи зайл аст:
– 575,1 ҳазор ӯзбекистониҳо (66% аз шумори умумӣ);
– 225 ҳазор русиягиҳо (25,8%);
– 18 ҳазор қазоқистониҳо (2,1%).
Ғайр аз ин, аз оғози соли равон 5,4 ҳазор шаҳрвандони ИМА (0,6%), 5,2 ҳазор шаҳрвандони Туркия (0,6%), 3,5 ҳазор шаҳрвандони Қирғизистон (0,4%), 2,5 ҳазор шаҳрвандони Афғонистон (0,3%) ва дигар кишварҳо низ аз Тоҷикистон боздид кардаанд.
