Бино ба маълумоти Агентии обуҳавошиносии ҷумҳурӣ, ҳавои сард дар Тоҷикистон то ҳафтаи оянда боқӣ мемонад.
Обуҳавошиносон огоҳ мекунанд, ки рӯзҳои 13-16 январи соли ҷорӣ дар бештари ноҳияҳои водӣ-доманакӯҳии ҷумҳурӣ ҳарорати ҳаво шабона аз 19-24 то 13-18 дараҷа хунук, рӯзона аз 8-13 то 3-8 дараҷа хунук, дар ноҳияҳои кӯҳӣ шабона аз 19-24 то 12-17 дараҷа хунук, рӯзона аз 10-15 то 4-9 дараҷа хунук пешгӯӣ шуда, дар шоҳроҳҳои минтақаҳои кӯҳии ҷумҳурӣ яхбандӣ боқӣ мемонад.
Гуфта мешавад, рӯзҳои 13-16 январ дар нишебиҳои ҷанубӣ ва шимолии қаторкӯҳҳои Ҳисор, минтақаҳои кӯҳии Ноҳияҳои тобеъи ҷумҳурӣ ва дар баъзе ноҳияҳои ғарбии ВМКБ сар задани зуҳуроти тарма дар назар аст.
Рӯзи 13 январ дар шаҳри Душанбе ҳавои тағйирёбандаи бебориш дар назар буда, тормеғ мефарояд. Шамол аз самти шимолу ғарб бо гузариш ба шарқ бо суръати 4-9м/с мевазад. Ҳарорати ҳаво шабона 17-19º хунук, рӯзона 12-14º хунук мешавад.
Рӯзи шанбе, 14 январ ҳарорат шабона 1 дараҷа хунуктар ва рӯзона аз рӯзи пешина каме гармтар – 7-9 дараҷа хунук мешавад.
Рӯзи якшанбе, 15 январ ҳарорат шабона 13-15 ва рӯзона – 5-7 дараҷа хунук пешгӯӣ мешавад.
Обуҳаво дар Ноҳияҳои тобеи марказ аз пойтахт чандон фарқ надорад. Имрӯзҳо дар ин ҷо ҳавои тағйирёбандаи бебориш пешгӯӣ шуда, дар баъзе ноҳияҳо тормеғ мефарояд. Шамол аз самти шимолу ғарб бо гузариш ба шарқ бо суръати 4-9м/с мевазад. Ҳарорати ҳаво дар водиҳо шабона 16-21º хунук, рӯзона 10-15º хунук, дар ноҳияҳои кӯҳӣ шабона 17-22º хунук, дар баъзе ноҳияҳо то -26º хунук, рӯзона 12-17º хунук мешавад.
Дар вилояти Суғд ҳавои тағйирёбандаи бебориш пешгӯӣ шуда, дар баъзе ноҳияҳо тормеғ мефарояд. Шамол аз самти шимолу ғарб бо гузариш ба шарқ бо суръати 5-10м/с мевазад. Ҳарорати ҳаво дар водиҳо шабона 15-20º хунук, дар баъзе ноҳияҳо то -25º хунук, рӯзона 9-14º хунук, дар баъзе ноҳияҳо то -17º хунук, дар ноҳияҳои кӯҳӣ шабона 21-26º хунук, рӯзона 13-18º хунук мешавад.
Чунин обуҳаво то 16 январ боқӣ монда, ҳаамагӣ 1 ё дараҷа фарқият хоҳад буд.
Дар вилояти Хатлон ҳавои тағйирёбандаи бебориш пешгӯӣ шуда, дар баъзе ноҳияҳо тормеғ мефарояд. Шамол аз самти шимолу ғарб бо гузариш ба шарқ бо суръати 4-9м/с мевазад. Ҳарорати ҳаво дар водиҳо шабона 16-21º хунук, рӯзона 10-15º хунук, дар доманакӯҳҳо шабона 22-27º хунук, рӯзона 11-16º хунук мешавад.
Дар минтақаи хунуктарини кишвар – ВМКБ низ обуҳавои тағйирёбандаи бебориш дар назар буда, танҳо дар шарқи вилоят каме барф меборад.
Шамол аз самти шимолу ғарб бо гузариш ба шарқ бо суръати 5-10м/с мевазад. Ҳарорати ҳаво дар ғарби вилоят шабона 15-20º хунук, дар баъзе ноҳияҳо то 20-25º хунук, рӯзона 6-11º хунук, дар баъзе ноҳияҳо то 12-17º хунук, дар шарқи вилоят шабона 27-32º хунук, дар баъзе минтақаҳо то 35-40º хунук, рӯзона 12-17º хунук, дар баъзе минтақаҳо то 17-22º хунук мешавад.
Дар шаҳри Хоруғ ҳавои тағйирёбандаи бебориш пешгӯӣ мешавад. Шамол аз самти шарқ бо суръати 4-9м/с мевазад. Ҳарорати ҳаво шабона 16-20º хунук, рӯзона 12-14º хунук мешавад.
