Раъно Гулматоваи 43-сола зани маҳаллӣ, модари панҷ фарзанд тамоми ҳаёти худро ба солимии фарзандон ва тарбияи онҳо бахшидааст, то дар оянда ба ҳадафҳои самараноки худ бирасанд. Новобаста аз норасоии маблағҳои аз Русия фиристодаи шавҳараш, Раъно Гулматова кӯшиш мекунад то ба фарзандонаш зиндагии арзандаро фароҳам бисозад. Ҳамин тариқ, вай тасмим гирифт, ки бар хилофи меъёрҳои иҷтимоӣ, зиндагӣ ва некӯаҳволии худро беҳтар созад.
Раъно Гулматова, дар ноҳияи худ Ҷалолиддини Балхӣ, деҳаи Навобод ҳамчун таблиғгари саломатии ҷомеа ҷалб шуда, дониши худро аз лоиҳаи USAID"Модари солим, кӯдаки солим" оид ба камхунӣ, синамаконӣ ва синамаконии холис, ғизодиҳии иловагӣ, санитария ва гигиена, огоҳии рафтори иҷтимоӣ, ташвиқ, роҳнамоӣ ва дастгириро омӯхтааст. Раъно Гулматова омӯзиши ин мавзӯъҳоро хеле ҷиддӣ қабул кард чун барои ҷомеа ва оилааш муҳим ва бамаврид буд.
«Ҳамчун фарди ҷомеа вазифадорам муайян ва дарёфти мушкилоти саломатӣ ва роҳи ҳалли онро дарёбам», – мегӯяд Раъно Гулматова. Одатан занони тоҷик зиёд ба саломатии худ тавваҷӯҳ зоҳир намекунанд. Масалан, занон наметавонанд саривақт ташрифҳои давраи ҳомиладориро аз қайд гузаронанд, чун бояд ҳамеша аз шавҳарон иҷоза бигиранд, баъзеҳо ҳатто баъди таввалуд навзодонро ба ташрифи духтур барои муолиҷаи маъмулӣ намебаранд.
Пас аз муҳокима ва ҳамоишҳои пай дар пай бо ҷомеа, Раъно Гулматова бо норасоӣ ва камбуди деҳааш рӯ ба рӯ шуд. Камбуди асосии саломатии деҳаи худро дар набудани бунгоҳи саломатӣ мутаваҷеҳ шуд ва зуд дарк намуд, ки дар деҳа будани бунгоҳи саломатӣ барои беҳбуди саломатии модару кӯдак ва коҳиш додани хароҷоти шавҳарон ва оилаҳои калони онҳо муҳим аст.
ИЗОБРАЖЕНИЕ
Раъно Гулматова ба ҷуз аз суҳбату гуфтугӯҳои мустақим ва вохӯриҳо бо занон ва хешовандони онҳо, ҳамчунин бо шавҳарон ва парастороне, ки дар хориҷ аз кишвар қарор доранд, тавассути гурӯҳи WhatsApp мулоқот мекард. Вай ҳадди аққал 60% аҳолии мардро аз минтақаи худ ҳам дар дохили ҷамоатҳо ва ҳам берун аз ҷамоатҳо фаро гирифтааст, то дар бораи саломатии модару кӯдак, ғизо ва некӯаҳволӣ огоҳии худро паҳн намояд ва онҳоро бовар кунонад, ки ба саломатӣ афзалият диҳанд ва инчунин дар маблағгузорӣ барои бунёди маркази саломатӣ дар деҳа саҳмгузор бошанд.
Бовар накарданист, аммо пас аз шаш моҳ дар деҳаи Раъно Гулматова бунгоҳи саломатии нав кори худро шурӯъ кард, беҳбуди саломатӣ ва беҳдошти ҷамоат ба мардуми маҳалла дастрас шуд.
ИЗОБРАЖЕНИЕ
«Дар аввал осон набуд. Гоҳе одамон аз дастгирӣ кардани сохтмон даст кашиданд. Бо вуҷуди ин, ман пайваста занг зада, бо наворбардорӣ аз ҷараёни сохтмон, куҷо сарф шудани маблағ, ба утоқҳои сӯҳбатҳои видеоии пиронсолон ва мақомоти асосии маҳаллии деҳа даъват намуда, барои саҳмашон миннатдорӣ баён намуда, ташвиқ мекардам».
Раъно Гулматова бо ҷалби занону модарон беш аз 115 занги видеоӣ ташкил намуда, онҳоро барои идомаи дастгирии сохтмони маркази тиббӣ ҳавасманд кард. Ҳоло ӯ дар деҳааш хеле маъруф шудааст ва миёни мардум ӯро "блогер" меноманд.
"Ман аз муваффақиятҳои хурди худ барои ҷомеа ва насли нави солим хеле ифтихор мекунам ва рӯҳбаландам!"
