Рӯзи якшанбе, 11 июн дар Тошканд бозиҳои даври якуми мусобиқоти Ҷоми Миллатҳои Ассотсиатсияи футболи Осиёи Марказӣ (CAFA Nations Cup-2023) дар гурӯҳи «А» баргузор шуданд.
Тавре ки Федератсияи футболи ҷумҳурӣ хабар медиҳад, футболбозони тоҷик вохӯрии аввалини худро бо тими Туркманистон баргузор намуданд. Бозӣ бо бартарии футболбозони тоҷик сурат гирифта, вале мусовӣ – 1:1 анҷом пазируфт.
Гуфта мешавад, ҳисобро дар дақиқаи 57-ум бозингари тими Туркманистон Мурат Аннаев боз карда, се дақиқа пеш аз анҷоми вохӯрӣ ба Нуриддин Ҳамроқулов муяссар шуд, ки пас аз партофти Эҳсони Панҷшанбе аз зарбаи ҷаримавӣ ҳисобро мусовӣ кунад.
Дар бозии дигари даври якуми ин гурӯҳ мизбони мусобиқа – мунтахаби Ӯзбекистон бо ҳисоби 3:0 бар дастаи Уммон дастболо шуд.
Бозиҳои даври дуюми мусобиқаи гурӯҳии «CAFA Nations Cup-2023» дар гурӯҳи “А” рӯзи чоршанбе, 14 июн баргузор мешаванд. Дар ин рӯз мунтахаби Тоҷикистон бо тими Уммон ва Ӯзбекистон бо дастаи Туркманистон бозӣ мекунанд.
Мавқеи дастаҳо дар ҷадвал пас аз даври якум:
