Эмомалӣ Раҳмон, Президенти Тоҷикистон имрӯз, 7-уми август, бо нафароне, ки дар ҳайати роҳбарӣ ва фармондеҳии Қӯшунҳои сарҳадии Кумитаи давлатии амнияти миллӣ таъин гардиданд, суҳбат намудааст. Дар ин бора дафтари матбуоти раисиҷумҳури кишвар хабар медиҳад.
Ҳамин тариқ, Раҷабзода Насимҷон Холмурод бо сабаби ба кори дигар гузаштанаш аз вазифаи муовини якум-сардори Сарситоди Қӯшунҳои сарҳадии Кумитаи давлатии амнияти миллии Ҷумҳурии Тоҷикистон озод карда шуд.
Ҳикматулло Пиракзода, ки то ин замон дар вазифаи сардори Раёсати Қӯшунҳои сарҳадӣ дар вилояти Суғд фаъолият дошт, муовини якум-сардори Сарситоди Қӯшунҳои сарҳадии Кумитаи давлатии амнияти миллии Ҷумҳурии Тоҷикистон таъин карда шуд.
Умарзода Умар Сафар бошад, сардори Раёсати Қӯшунҳои сарҳадӣ дар вилояти Суғд таъин карда шуд.
Ҳамчунин, муовини дигари Фармондеҳи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон Хушвахт Кишваршо Султон, ки масъули хадамоти кашф буд, низ аз вазифа озод карда шуд.
Ба ҷойи ӯ Шоҳвализода Тоҷиддин Саидро таъин гардид.
Гуфта мешавад, ки кадрҳои нав аз ҳисоби афсарони соҳибтаҷриба, хатмкардагони ду муассисаи олии ҳарбии Ҷумҳурии Тоҷикистон ва хориҷи кишвар дорои маҳорати хуби фармондеҳиву ташкилӣ, содиқу корозмуда таъин гардиданд.
