Имрӯз, 14 сентябр, ба Душанбе пайиҳам президентҳои давлатҳои Осиёи Марказӣ – Ӯзбекистон, Қазоқистон, Туркманистон, Қирғизистон ва чун меҳмони фахрӣ раиси ҷумҳури Озарбойҷон омаданд.
Қарор аст онҳо дар Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал (ФБНА) иштирок кунанд.
Нахуст ба Душанбе Президенти Туркманистон Сардор Бердимуҳаммадов омад.
ИЗОБРАЖЕНИЕ
Баъдан Президенти Қазоқистон Қосим-Жомарт Тоқаев вориди Душанбе шуд.
ИЗОБРАЖЕНИЕ
Президенти Ҷумҳурии Ӯзбекистон Шавкат Мирзиёев ҳам ба Душанбе омад.
ИЗОБРАЖЕНИЕ
Президенти Ҷумҳурии Қирғизистон Садир Жапаров низ вориди Душанбе гардид.
ИЗОБРАЖЕНИЕ
Президенти Ҷумҳурии Озарбойҷон Илҳом Алиев бошад, чун меҳмони фахрӣ ба Душанбе омад.
ИЗОБРАЖЕНИЕ
Ҳамаи раисони ҷумҳириҳоро Сарвазири Ҷумҳурии Тоҷикистон Қоҳир Расулзода ва дигар шахсони расмӣ истиқбол гирифтанд.
Дар назар аст, ки имрӯз, 14 сентябр таҳти раёсати Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе Вохӯрии панҷуми ҷашнии машваратии сарони давлатҳои Осиёи Марказӣ баргузор гардад.
Гуфта мешавад, ки аз натиҷаи Вохӯрии панҷуми машваратӣ қабули якчанд санадҳои муҳим дар назар аст, ки асоситарини он Изҳороти муштараки сарони давлатҳои Осиёи Марказӣ хоҳад буд.
Ҳамчунин, 15 сентябр дар Душанбе ҷаласаи навбатии Шурои сарони давлатҳои муассиси Фонди байналмилалии наҷоти Арал ба нақша гирифта шудааст.
