Шаҳрдории Душанбе сокинони пойтахтро ҳушдор додааст, ки оби нӯшокӣ барои якшабонарӯз қатъ мешавад.
Ин ниҳод бо пахши як эълон гуфтааст, ки интиқоли оби нӯшокӣ муваққатан аз соати 22-00 рӯзи 16-уми октябр то соати 24-00 рӯзи 17-уми октябри соли 2023 қатъ мешавад.
Ин ниҳод гуфтааст, интиқоли оби дар чунин суроғаҳо қатъ мешавад:
– ноҳияи И.Сомонӣ, маҳаллаҳои Хуҷамбиёи боло ва поён, Шафақ, А.Соатов, Амиршоев, Заҳматобод, Саҳбо, Қ.Раҳимов, Анзоб, Гулистон, Зайнаб-бибӣ, У.Хайём ва Сари-Осиё, кӯчаҳои П.Толис, Гагарин, Сурхоб, Меҳнат, Карамов, Шевченко, хиёбони Рӯдакӣ (аз буриши кӯчаи У.Хайём то кӯчаи С. Ғанӣ), инчунин Боғи С.Айнӣ, Беморхонаи ҷумҳуриявӣ ва шаҳрчаи тандурустӣ;
– ноҳияи Шоҳмансур, маҳаллаҳои Н.Муҳаммад, Қӯрғон, Хоруғ, Баҳорӣ, Бадахшон-1 ва 2, кӯчаҳои Д.Халқҳо, А.Дониш, Истаравшан, Ҳусейнзода, Нарзиқулов, Ак.Рақабовҳо ва С.Айнӣ аз хонаҳои 1 то 77;
– ноҳияи Сино, маҳаллаҳои 10, 11, 12, 13, 14, 15, 15А, 31, 82, 83, 84, 91, 92, 101, 102, 103, 104, 112, Зарафшон 1 ва 2, Испечак 1 ва 2, Муҳандис, Меҳробод, М.Ҳамадонӣ, Навободи боло ва поён, Буни Ҳисорак, Деҳи боло, Панҷруд, Ободкорон, Бунёдкорон, Лучоби боло ва поён, Комсомол, Қазоқон – 1 ва 2, Мовароунаҳр, Камонгарон, Шишхона, Яккачинор, Ҳаёти нав, Қарамишикор ва кӯчаи Бобо Ҳамдам;
– ноҳияи Фирдавсӣ, кӯчаҳои Қаҳҳоров, Миралӣ, Мушфиқӣ, Соҳилӣ, Н.Қарабоев то кӯчаи Шестопалов, шаҳракҳои 23, 24, маҳаллаҳои Равшангарон, Дарвоз, Яккачинор ва Маркази истеҳсоли барқу гармидиҳии шаҳри Душанбе қатъ мегардад.
Шаҳрдории Душанбе сабаби қатъи обро иҷрои корҳои таъмирӣ ва васлкунии таҷҳизотҳо унвон карда, аз ҳамаи сокинони шаҳри Душанбе хоҳиш кардааст, ки ба миқдори зарурӣ об захира кунанд.
