Ҳаракати воситаҳои нақлиёт дар роҳи мошингарди Душанбе – Хоруғ, ки бар асари фаромадани сангрезаву шағал баста шуда буд, барқарор шуд, хабар доданд ба “Азия-Плюс” мусофирони дар ин қитъаи роҳ дармонда.
Ба гуфтаи онҳо, нимаи дуюми рӯзи гузашта қитъаи роҳ аз сангрезаву шағал тоза карда шуда, ронандагоне, ки якуним шабонарӯз аз ҳарду тараф дар ин ҷо дармонда буданд, ба сафари худ идома доданд.
Ёдрас мекунем, ки рӯзи 16 октябр дар қитаъи роҳ дар қаламрави деҳаи Кеврони ноҳияи Дарвоз сангрезаву шағал фаромада, роҳро баст.
Қобили зикр аст, ки тариқи ин роҳ асосан нақлиёти байнишаҳрӣ равуо дошта, қисматҳои дигари Тоҷикистонро бо шарқи кишвар мепайвандад.
