Дар шаҳри Хуҷанди вилояти Суғд масҷид ва мақбарае ҳаст, ки сокинони шаҳр онро бо эҳтироми хос зиёрат мекунанд. Ба нақли таърихшиносон, ин масҷид ва мақбараи Бобо Камоли Хуҷандӣ мебошад, ки ӯро бо эҳтиром “ҳазрат” ҳам мегуфтанд. Ин масҷид ва мақбара тақрибан 800 сол пеш бунёд шуда, аммо имрӯз хароб гардидааст.
Мақомоти вилояти Суғд тасмим гирифтаанд, ки ин масҷид ва мақбараро таъмир кунанд ва барои ин, чанде пеш Раҷаббой Аҳмадзода, раиси вилояти Суғд ба шахсони масъул дастур ҳам додааст.
Қаблан, моҳи январи соли 2018 масъулони созмони ҷаҳонии ЮНЕСКО ҳам якҷо бо раиси вилоят аз ин мақбара ва масҷиди қадима дидан карда буданд. Он замон мутахассисони ЮНЕСКО ваъдаи таъмири ин макони таърихиро дода буданд.
Бобои Камоли Хуҷандӣ кист ва чаро ӯро сокинони шаҳр бо эҳтиром “ҳазрат” мегӯянд? Чаро масҷид ва мақбараи ӯ ба зиёратгоҳ табдил ёфтааст?
Дар гузориши мо ба ин саволҳо муфассал посух дода шудааст.
