Нақшаи ташкил ва гузаронидани нишастҳои матбуотӣ аз тарафи роҳбари Дастгоҳи иҷроияи Президенти Ҷумҳурии Тоҷикистон тасдиқ шудааст.
Дар нишасти матбуотӣ, ки дар як сол ду маротиба баргузор мешавад, роҳбарони вазорату идораҳои кишвар ба намояндагони васоити ахбори умум дар бораи натиҷаҳои фаъолияти ниҳоди зери роҳбарии худ дар давраи ҳисоботӣ маълумот медиҳанд.
Ин нишастҳои матбуотӣ тибқи супориши раиси ҷумҳур аз 4-уми марти соли 2005, бо мақсади таъмини шаффофияти фаъолияти вазорату идораҳо ва ҳамчунин дастрасии матбуот ба сарчашмаҳои расмии маълумот нишастҳои хабарӣ дар ҳар семоҳа гузаронида мешуданд.
Аммо ба супориши мазкур тағйирот ворид гардида, шурӯъ аз 1-уми октябри соли 2011 нишастҳои хабарии ҳатмии мақомоти давлатӣ дар ним сол як маротиба доир мегарданд.
Солҳои охир рӯзноманигорони тоҷик аз мушкили дастрасии иттилоот дар вазорату идораҳои Тоҷикистон нигаронӣ мекунанд. Онҳо мегӯянд, ҳарчанд нишастҳои матбуотӣ дар як сол ду маротиба баргузор мешавад, вале шеваи баргузории он ва посухҳо ба саволҳои рӯзноманигрон на ҳамеша қонеъкунанда аст.
