Мунтахаби миллии футболи Тоҷикистон дар даври 1/8 финалии мусобиқаи Ҷоми футболи Осиё бар мунтахаби Амороти Муттаҳидаи Араб (АМА) дастболо шуда, ба даври 1/4 финалии мусобиқа роҳ ёфт.
Тавре ки Федератсияи футболи Тоҷикистон хабар медиҳад, дар даври чаҳорякфиналӣ футболбозони тоҷик бо ғолиби ҷуфти Ироқ – Урдун рақобат мекунанд.
ИЗОБРАЖЕНИЕ
Бозӣ бо тими АМА дар вақти асосӣ мусовӣ – анҷом ёфт. Ҳисобро дар дақиқаи 30-юм пас аз партоби Зоир Ҷӯрабоев Ваҳдат Ханнонов боз кард. Дар дақиқаи 90+5 ба футболбозони араб муяссар шуд, ки ҳисобро баробар кунанд.
ИЗОБРАЖЕНИЕ
Дар ду қисми иловагии 15-дақиқагӣ низ ҳисоб бетағйир боқӣ монд. Дар силсилаи зарбаҳои 11-метра (пеналти) футболбозони мо ҳамаи 5 зарбаи аввалро ба дарвоза ворид намуда, дарвозабони Тоҷикистон Рустам Ятимов 1 зарбаи футболбозони арабро баргардонид.
ИЗОБРАЖЕНИЕ
Ҳамин тариқ, мунтахаби миллии футболи Тоҷикистон ба даври 1/8 финалии мусобиқаи Ҷоми Осиё-2023 оид ба футбол роҳ ёфта, дар ин марҳила бо ғолиби ҷуфти 1/8 финалии Ироқ – Урдун бозӣ мекунад. Вохӯрӣ рӯзи 2 феврал баргузор мешавад.
