Дирӯз, 29-уми январ, Абдуфаттоҳ Шарифзода, роҳбари Хадамоти матбуоти Президенти Тоҷикистон аз вазифа озод шуда, ба ҷои ӯ Заробиддин Қосимӣ ба ин вазифа таъйин гардид.
Сабаби аз вазифа рафтани Шарифзода “ба нафақа баромадан” зикр мешавад.
Абдуфаттоҳ Шарифзода бештар аз 21 сол сухангӯи президенти Тоҷикистон буд: ӯ 15 декабри соли 2003 роҳбари Хадамоти матбуотии Президенти Тоҷикистон таъйин шуда буд.
Заробиддин Қосимӣ 57-сола ва хатмкардаи шуъбаи забони арабии факултаи забонҳои шарқи Донишгоҳи миллии Тоҷикистон аст.
Қосимӣ то кунун Сафири фавқулода ва мухтори Тоҷикистон дар Миср буд.
Корномаи Заробиддин Қосимӣ чунин мебошад:
1986-1988 – хизмати ҳарбӣ дар Қувваҳои Мусаллаҳ;
1991-1992 – муаллими забонҳои арабию форсӣ ва забону адабиёти тоҷик дар мактаби таҳсилоти ҳамагонии рақами 48 шаҳри Душанбе;
1992-1993 – ходими хурди илмии пажӯҳишгоҳи Ҳуқуқ ва фалсафаи Шарқи Академияи илмҳои Тоҷикистон;
1993-1996 – нозир ва нозири калони Маркази матбуоти Вазорати корҳои дохилии ҶТ;
1996-2005 – сардори Маркази матбуоти Вазорати мудофиа ва котиби матбуотии вазири мудофиаи Тоҷикистон;
2005-2015 – машваратчии калони Хадамоти матбуоти Президенти Ҷумҳурии Тоҷикистон, мушовири Президенти Ҷумҳурии Тоҷикистонва муовини роҳбари Хадамоти матбуоти Президенти Ҷумҳурии Тоҷикистон;
2015-2016 – директори Агентии миллии иттилоотии Тоҷикистон “Ховар”-и назди Ҳукумати Ҷумҳурии Тоҷикистон;
2016-2020 Сафири фавқулода ва мухтори Ҷумҳурии Тоҷикистон дар Шоҳигарии Арабистони Саудӣ;
Аз 31 августи соли 2020 Сафири фавқулода ва мухтори Ҷумҳурии Тоҷикистон дар Ҷумҳурии Арабии Миср.
Оиладор ва падари шаш фарзанд.
