Жеенбек Кулубаев, вазири корҳои хориҷии Қирғизистон дирӯз, 4-уми феврал, бо як сафари расмӣ ба Тоҷикистон омад.
Вазорати корҳои хориҷии Тоҷикистон хабар медиҳад, ки Сироҷиддин Муҳриддин, вазири корҳои хориҷии Тоҷикистон бо Жеенбек Кулубаев мулоқот кардааст.
“Вазирон дар ҳайатҳои маҳдуд ва васеъ масъалаҳои мубрами муносибатҳои Тоҷикистону Қирғизистонро муфассал баррасӣ карда, доир ба ҳамкориҳои ду кишвар дар чаҳорчӯби созмонҳои байналмилалӣ ва минтақавӣ табодули афкор намуданд”, – хабар медиҳад ин ниҳод.
Дар пайи ин мулоқот, ҷонибҳо Барномаи ҳамкорӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Қирғизистон барои солҳои 2024-2025-ро ба имзо расонидаанд.
Дар бораи тафсилоти бештари мулоқот ва гуфтушунид иттилоъ дода намешавад.
