Вазири корҳои хориҷии Ҷумҳурии мардумии Чин Ван И бо сафари расмӣ ба Тоҷикистон меояд. Сафар бо бо даъвати вазири корҳои хориҷии Тоҷикистон Сироҷиддин Муҳриддин сурат мегирад. Дар ин бора ВКХ Тоҷикистон хабар медиҳад.
Ба иттилои манбаъ, дипломати воломақоми Чин давоми рӯзҳои 18-19 май дар Тоҷикистон қарор хоҳад дошт.
Дар назар аст, ки дар доираи сафар Ван И бо ҷониби Тоҷикистон масоили таҳким ва рушди ҳамкориҳои дуҷонибаро баррасӣ мекунад.
Гуфта мешавад, дар доираи сафари расмӣ вазири корҳои хориҷии Чин аз ҷониби президенти ҷумҳурӣ Эмомалӣ Раҳмон ба ҳузур пазируфта шуда, инчунин мулоқоти ӯ бо вазири корҳои хориҷии Тоҷикистон дар назар аст.
Зимнан зикр мегардад, ки дар рафти сафар Барномаи ҳамкорӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Мардумии Чин барои давраи солҳои 2024-2025 ба имзо мерасад.
