Рӯзи ҷумъаи 27-уми сентябр дар Иттифоқи нависандагони Тоҷикистон бахшида ба бузургдошти пайвандгари наслҳо ва тамаддунҳо Мавлоно Ҷалолуддини Балхӣ маҳфили фарҳангиву адабӣ доир шуд.
Дар он аҳли зиё, фарҳанг ва адаби аз Тоҷикистон, Эрон ва Ӯзбекистон ҷамъ омада, дар бораи паёмҳои Мавлоно ба тамоми башар ва тасвирҳои нобу шоиронаи ӯ ҳарф заданд.
Аз ҷумла, Гулрухсори Сафӣ, Шоири халқии Тоҷикистон чанд байти баргузидаашро аз ашъори Мавлоно қироат карда, гуфт, “Шамсе, ки дар адабиёт чун устоди Мавлоно мешиносанд, худи Мавлоност. Вақте Шамс гум мешавад, ӯ худашро гум мекунад. Ангушти ақли Мавлоно таги дар монд”.
Чӣ гуна таҷлил шудани рӯзи бузургдошти Мавлоноро дар навор бинед:
