Дастаи яккачини наврасони Тоҷикистон оид ба футбол (U17) баъди се ғалаба дар марҳилаи интихобии мусобиқоти қаҳрамонии Осиё дар гурӯҳи “J” ба марҳилаи ниҳоии Ҷоми Осиё-2025 роҳхат гирифтанд.
Дар охирин бозии худ наврасони тоҷик ҳамтоёнашон аз Уммонро бо натиҷаи 2 бар 0 мағлуб карданд.
Пештар аз ин дастаи мунтахаби наврасони Тоҷикистон бар дастаи Сингапур бо ҳисоби 3 бар 1 ғалаба ба даст оварда буд.
Дар бозии аввал бошад, мунтахаби Тоҷикистон тими Гуамро бо ҳисоби бузурги 33 бар 0 шикаст дода буд.
Баъди се ғалаба дар марҳилаи гурӯҳии мусобиқоти интихобии гуруҳи “J” мунтахаби футболи то 17-солаҳои Тоҷикистон дар умум бо ба даст овардани 9 хол садрнишини гурӯҳ гашт ва ба Ҷоми Осиё-2025 роҳ ёфт.
Ҷоми Осиё-2025 аз 3-юм то 20-уми апрели соли оянда дар Арабистони Саудӣ баргузор мегардад.
