Дар пайи 13 офати табиӣ дар соли гузашта дар вилояти Суғд 5 кас ба ҳалокат расида, ба буҷети вилоят 17 млн сомонӣ хисороти молӣ расидааст. Дар ин бора ба “Азия-Плюс” Диловар Ҳамдамов, масъули матбуоти Раёсати КҲФ дар вилояти Суғд иттилоъ дод.
Манбаъ гуфт, дар ин давра 12 маротиба сел омада, 1 ҳодисаи раъду барқ рух дод.
Ба гуфтаи Диловар Ҳамдамов ҳарчанд офатҳои табиӣ ва шумораи фавтидаҳо дар соли гузашта назар ба соли 2023-юм кам шудааст, вале хисороти расида қариб 10 млн сомонӣ зиёд аст.
Ӯ гуфт, ки дар шимоли кишвар соли 2023-юм 7 офати табиӣ ҷони 6 нафарро рабуда, наздикӣ 7,5 миллион сомонӣ хисороти молӣ дар пай гузошта буд.
Ба таъкиди ин масъули КҲФ Суғд, дар пайи офатҳои табиии соли гузашта хонаҳои истиқоматӣ, муассисаҳои соҳаи маориф, иншоотҳои ёрирасон, роҳҳои автомобилгарди ҷумҳуриявӣ ва маҳаллӣ, хатҳои обёрӣ, каналҳои оби полезӣ ва кишти зироатҳои хоҷагии қишлоқ ва ғайра зарар дидаанд.
Офатҳои табиӣ дар шаҳру ноҳияҳои Панҷакент, Истаравшан, Шаҳристон, Деваштич, Айнӣ, Кӯҳистони Кӯҳистон, Мастчоҳ ва Ашт ба қайд гирифта шудаст.
Ёдовар мешавем, ки дар зарфи 11 моҳи соли гузашта дар тамоми Тоҷикистон 636 ҳодисаи хатарноки табиӣ рух дода, бар асари ин ҳодисаҳо 17 нафар ҷони худро аз даст дода буданд.
