Дар се моҳи соли равон теъдоди аҳолӣ дар Тоҷикистон 48,7 ҳазор нафар зиёд шудааст, ки нисбат ба ҳамин давраи соли 2025-ум 1,1% кам мебошад. Дар ин бора Оҷонсии омори Тоҷикистон хабар додааст.
Ба иттилои манбаъ, дар се моҳ дар кишвар 57,9 ҳазор тифл таваллуд шудааст, ки ин назар ба ҳамин давраи соли гузашта 0,1% кам мебошад.
Дар се моҳ дар минтақаҳои кишвар чунин омори таваллуд сабт шудааст:
– вилояти Хатлон -24 ҳазор нафар;
– ВМКБ – 700 нафар;
– вилояти Суғд – 13,3 ҳазор нафар;
– шаҳри Душанбе – 5,5 ҳазор нафар;
– шаҳру ноҳияҳои тобеи ҷумҳурӣ – 14,4 ҳазор нафар.
Ба иттилои манбаъ, теъдоди таваллуд дар ВМКБ 11,2%, вилояти Хатлон 1,6% ва шаҳри Душанбе 8,9% коҳиш ёфта, баръакс дар вилояти Суғд 1,1% ва дар шаҳру ноҳияҳои тобеи ҷумҳурӣ 5,8% афзоиш ёфтааст.
Дар ин давра дар
– вилояти Суғд – 3 ҳазор нафар;
– шаҳри Душанбе – 900 нафар;
– ноҳияҳои тобеи ҷумҳурӣ – 1,8 ҳазор нафар;
– вилояти Хатлон – 3,2 ҳазор нафар;
– ВМКБ – 260 нафар фавтидааст.
Афзоиши баландарини фавт дар ВМКБ сабт шуда, 260 ҳолат ва ё 38,3% ё ба қайд гирифта шудааст. Камтарин нишондоди фавт дар Суғд ба қайд гирифта шудааст, вале дар ин вилоят фавт нисбат ба ҳамин давраи соли гузашта 0,7% афзоиш ёфтааст.
Тибқи иттилои расмӣ, аҳолии Тоҷикистон то 1-уми апрели соли 2026 ба 10 миллиону 767,9 ҳазор нафар расидааст.
