Душанбе. 19-уми феврал. ОИ «Азия-Плюс» – Дар шаҳри Алмаато намояндагони ширкату муассисаҳои таъмини барқи Қазоқистон, Қирғизистон, Тоҷикистон, Ӯзбекистон ва Афғонистон дар семинаре, ки аз ҷониби Агентии ИМА оид ба рушди байнулмилалӣ (


USAID


) ва Асссотсиатсияи энергетикии ИМА (


USEA


) созмон дода шудааст, масоили имконоти таҳкими боэътимодии низоми хатҳои интиқоли барқро дар минтақаи Осиёи Марказӣ мавриди баррасӣ қарор медиҳанд.

Дар семинар масоили насби низоми муҳофизати махсус барои интиқоли барқ дар ҳолатҳои фавқулодда ва ҳаҷми табодули интиқоли барқи Осиёи Марказӣ ба Афғонистонро тавассути хатҳои интиқоли барқи баландшиддати «Шимол-Шарқ» ба ин кишвар муҳокима мекунанд.

Низоми мазкур барои интиқоли барқи Осиёи Марказӣ ба Афғонистон шароити муосид фароҳам сохта, боэътимодии таъмини минтақаи шимолу шарқии Афғонистон бо барқро муҳайё месозад ва ҳамчунин баҳри тавсеъаи бозори фурӯши барқи кишварҳои минтақа мусоидат хоҳад кард.

Душанбе. 19-уми феврал. ОИ «Азия-Плюс» – Додгоҳи ноҳияи Синои пойтахт ба баррасии даъвои Ҳизби наҳзати исломии Тоҷикистон нисбат ба ҳавзаи интихоботии рақами 4-и ноҳияи Синои шаҳри Душанбе шурӯъ намуд.

Тавре сухангӯи раиси ҲНИТ Ҳикматулло Сайфуллозода ба ОИ «Азия-Плюс» хабар дод, ҳизб кӯшиш ба харҷ хоҳад дод, то натиҷаҳои интихоботи миёнадавраӣ ба МН МО ҶТ дар ин ҳавза, ки 8-уми феврали соли ҷорӣ баргузор шуданд, ғайривоқеӣ эътироф гарданд.

Чанде қабл дар нишасти матбуотӣ муовини раиси ҳизб Муҳаммадалии Ҳаит изҳор дошта буд, ки шӯрои сиёсии ҳизб бо таҳлил аз натоиҷи интихобот «ба тақаллубкории комили он мӯътақид гаштааст». «Санҷиши мо нишон дод, ки дар интихобот ҳамагӣ 18 дарсад, на 77,6 дарсади интихобкунандагон ширкат варзидаанд ва аз ин рӯ, мо интихоботро дар ин ҳавза баргузорнашуда мешуморем», – гуфта буд ӯ.

Ба гуфтаи ӯ, намояндагони ҳизб муайян сохтаанд, ки дар қитъаҳои интихоботӣ 2697 нафар ширкат варзида ва 82 дарсади онон ба ҷонибдории номзади ҲНИТ – Д.Абдуллоев овоз додаанд.

Ёдрас мекунем, ки Комиссияи марказии интихобот ва райъдиҳии ҷумҳурӣ аз рӯи натиҷаҳои интихобот дар ҳавзаи мазкур эълом дошт, ки дар маъракаи интихоботи миёнадавраӣ ба парлумони кишвар 77,6 дарсади интихобкунандагони қайдшуда ширкат варзида, 91 дарсади овозҳо ба ҷонибдории номзади Ҳизби Халқии Демократии Тоҷикистон Амир Катаев ва 6,7 дарсади овозҳо ба ҷонибдории номзади ҲНИТ Додихудо Абдуллоев дода шуданд.

Душанбе. 19-уми феврал. ОИ «Азия-Плюс» – Кишоварзони мамлакат аз обуҳавои мусоид истифода намуда, фаъолона киштукори баҳории зироати ғалладонагиро идома медиҳанд.

Тавре ба ОИ «Азия-Плюс» аз Вазорати кишоварзии ҷумҳурӣ хабар доданд, то имрӯз аз 135 ҳазор гектари барои соли равон пешбинишуда дар 21,6 ҳазор гектар зироати ғалладона кишт шудааст, ки дар муқоиса бо соли гузашта 13,5 ҳазор гектар зиёдтар мебошад. Қобили зикр аст, ки дар мавсими имсола 90 дарсади майдони киштро заминҳои обӣ ташкил медиҳанд.

Бино ба иттилои манбаъ, киштукор аслан дар ноҳияҳои вилояти Хатлон, Турсунзода, Ҳисор, Шаҳринав ва Рӯдакӣ ҷараён дошта, дар вилояти Суғд феълан ба киштукор омодагӣ мегиранд.

Дар ҳамин ҳол, аз Вазорати кишоварзӣ хабар доданд, ки дар ҳудуди 216 ҳазор гектар кишти тирамоҳӣ гузаронида шуд, ки солҳои ахир яке аз нишондиҳандаҳои баландтарин аст, аммо танҳо 8,5 ҳазор гектари майдони кишт бо нуриҳо ғизо дода шудааст, ки ин нишондиҳанда ҳамагӣ 3,9 дарсади нақшаро ташкил медиҳад.

Душанбе. 18-уми феврал. ОИ «Азия-Плюс» – Имрӯз зимни нишасти матбуотӣ






Роҳбари гур




ӯ




ҳи Хазинаи байналмилалии асъор оид ба То




ҷ




икистон Аксел Шиммелпфенниг бо натиҷагирӣ аз фаъолияти дуҳафтаинаи ҳайати ин созмон дар Тоҷикистон (аз 5 то 18-уми феврал) изҳор дошт, ки соли равон барои Тоҷикистон душвор ҷараён хоҳад дошт ва дар робита бо чунин вазъ ХБА дар чаҳорчӯбаи барномаи коҳиши сатҳи камбизоатӣ ва рафъи оқибатҳои бӯҳрони молӣ ҳаҷми кӯмаки молиявиро ба Тоҷикистон афзун карданист.

Ба гуфтаи ӯ, миёни ҳукумати ҷумҳурӣ ва ҳайати ХБА оид ба татбиқи барномаи «Коҳиши сатҳи камбизоатӣ ва мусоидат ба рушди иқтисодӣ» тавофуқи пешакӣ ҳосил гардидааст ва ҷиҳати дастгирии амалисозии он дар муддати се сол ҷудо кардани 120 млн. $ аз эҳтимол дур нест. «Аммо ин тавофуқро акнун бояд Шӯрои иҷроияи ХБА (Вашингтон) тасдиқ созад ва интизор меравад, ки масъалаи мазкурро шӯро аввали моҳи апрел мавриди баррасӣ қарор хоҳад дод», – афзуд Аксел Шиммелпфенниг.





 

Душанбе. 18-уми феврал. ОИ «Азия-Плюс» – Дар Вазорати корҳои хори


ҷ


ии


Ҷ


умҳурии То


ҷ


икистон маросими имзошавии Протокол сурат гирифт

18уми феврали соли 2009 дар Вазорати корҳои хори


ҷ


ии


Ҷ


умҳурии То


ҷ


икистон маросими имзошавии Протоколи мубодилаи тасдиқномаҳои Шартнома байни


Ҷ


умҳурии То


ҷ


кистон ва


Ҷ


умҳурии Ҳиндустон дар бораи экстрадитсия аз 14 ноябри 2003 сурат гирифт.

Ин ху


ҷҷ


атро аз


ҷ


ониби То


ҷ


икистон Вазири корҳои хори


ҷ


ӣ


Ҳамрохон Зариф


ӣ


ва аз


ҷ


ониби Ҳиндустон Сафири Фавқулъода ва Мухтори ин кишвар дар


Ҷ


умҳурии То


ҷ


икистон Амар Синха имзо карданд.

Ин Шартнома аз таърихи мубодилаи тасдиқномаҳо, яъне аз 18 феврали соли 2009 эътибор пайдо менамояд. Дар ин бора аз Вазорати умури хориҷии ҷумҳурӣ хабар доданд.