Душанбе. 18-уми феврал. ОИ «Азия-Плюс» – Чанде қабл раиси шаҳри Душанбе Маҳмадсаид Убайдуллоев президенти ширкати «Донхва Констракшн»-и Куриёи Ҷанубӣ Сео Сеок Херо ба ҳузур пазируфт.

Тавре сухангӯи раиси пойтахт Шавкат Саидов ба ОИ «Азия-Плюс» хабар дод, дар ҷараёни мулоқот ҷонибҳо масоили рафти лоҳакашии чаҳор манзили зисти баландошёна ва Маркази намоишгоҳ дар кӯчаи Нусратулло Махсуми шаҳри Душанберо, ки сохтмони онро ширкати мазкур ба ӯҳда гирифтааст, мавриди баррасӣ қарор доданд.

«М.Убайдуллоев таъкид сохт, ки барои фаъолияти пурсамари ширкати хориҷӣ дар пойтахти ҷумҳурӣ тамоми шароитҳо муҳайё хоҳанд шуд», – афзуд Ш.Саидов.

           

Душанбе. 18-уми феврал. ОИ «Азия-Плюс» – Дирӯз дар шаҳри Маскав роҳбарони Хадамоти муҳоҷирати Русияву Тоҷикистон бо намояндагони диаспораҳои тоҷик мулоқот оростанд.

           

Тавре роҳбари медиа-холдинги «


Tajinfo


» Муҳаммади Эгамзод ба ОИ «Азия-Плюс» хабар дод, дар мулоқот директори Хадамоти муҳоҷирати Русия Константин Ромодановский, сардори хадамоти муҳоҷирати Вазорати умури дохилии Тоҷикистон Сафиалло Девонаев, роҳбарони диаспораву иттиҳодияҳои тоҷикон дар Русия, ҳуқуқшиносон ва рӯзноманигорон ширкат варзида, атрофи масоили будубоши муҳоҷирони тоҷик дар қаламрави Русия ибрози назар намуданд.

           

Ба гуфтаи номбурда, дар мулоқот масоили дароз кардани мӯҳлати будубош, мӯҳлати гирифтани иҷозаи кор аз 90 рӯз то 1 сол, тарзи будубоши оилаҳои муҳоҷирон, мушкилоти хориҷкунии онҳо, ҷорӣ сохтани механизми соддаи қонунӣ гардонидани будубоши муҳоҷирон тавассути ҷаримабандӣ ва пешбинӣ намудани ҷазои сахттар ба милисаҳо, ки ҳуҷҷатҳоро ғайриқонунӣ аз муҳоҷирон мегиранд, мавриди баррасӣ қарор гирифтанд.

           

М.Эгамзод мегӯяд, оид ба таъсиси гурӯҳи корӣ ҷиҳати назорат ва ҳалли мушкилот бо корфармоён, ки муҳоҷиронро ба таври қонунӣ ба кор намегиранду аз пардохти маошашон саркашӣ мекунанд, тавофуқ ҳосил шудааст. «Дар доираи Комиссияи байниҳукуматии амалкунандаи Русияву Тоҷикистон баррасӣ ва пешниҳоди асноди меъёрҳои таъмин бо нафақаи муҳоҷирони меҳнатӣ пешбинӣ гардид», – афзуд М.Эгамзод.

Душанбе. 18-уми феврал. ОИ «Азия-Плюс» – Раиси Ассотсиатсияи сиёсатшиносони Тоҷикистон Абдуғанӣ Мамадазимов бар чунин назар аст, ки мебояд муносиботи Тоҷикистону Ӯзбекистон дар асоси талаботи бозор ҷорӣ гардад.

           

Номбурда мегӯяд, Ӯзбекистон дар масъалаи фурӯши газ кайҳо тибқи талаботи бозор амал мекунад ва дар интиқоли барқ, ки кишварҳо мавсимӣ бо ҳам додугирифт доранд, низ мебояд ба чунин тарзи муносибат гузашт. Ёдрас мекунем, ки қаблан Ӯзбекистон дар мавсими тирамоҳу зимистон ба Тоҷикистон дар ҳаҷми 600 млн. кВт/соат нерӯи барқ интиқол дода, ба ивази он дар мавсими баҳору тобистон аз Тоҷикистон дар ҳаҷми 900 млн. кВт/соат барқ мегирифт.

           

Ба ақидаи коршиноси масоили сиёсӣ, чунин иқдом имкон хоҳад дод, ки дар фасли тобистон об захира гардида, он дар фасли зимистон ҷиҳати истеҳсоли барқ истифода гардад ва маҳдудият сабуктар карда шавад. А.Мамадазимов гуфт, дар замони шӯравӣ ба ивази об ҳамсоягон ба мо нафту газ медоданд ва кунун низ бояд чунин таҷрибаро роҳандозӣ намуд, вале бо назардошти манфиатҳои ҳама ҷонибҳо.

           

Сиёсатшинос чунин мешуморад, ки боздиди ҳайати Ӯзбекистон метавонад дар ин самт гоми нахустин бошад. «Пешравӣ дар ҷустуҷӯи роҳҳои ҳалли баҳси энергетикӣ миёни кишварҳо муносиботи дуҷонибаро беҳбуд хоҳад бахшид», – афзуд коршинос.

Душанбе. 18-уми феврал. ОИ «Азия-Плюс» – Анҷоми марҳилаи аввали лоиҳаи таҷдиди роҳи мошингарди «Душанбе-Бӯстон-Чаноқ» моҳи июни соли ҷорӣ пешбинӣ мешавад.

Тавре аз Вазорати нақлиёт ва коммуникатсияи ҷумҳурӣ ба ОИ «Азия-Плюс» хабар доданд, айни замон бинокорони ширкати чиноии


China




Road


корҳои аломатгузории роҳҳоро ба сомон мерасонанд.

Ба иттилои манбаъ, дар татбиқи марҳилаи дуввуми лоиҳа сохтмони нақбҳо ба нақша гирифта шуда, ҷиҳати иҷрои он 12,1 млн. $ маблағ ҷудо гардидааст.

Ёдрас мекунем, ки лоиҳаи таҷдиду бозсозии роҳи мошингарди «Душанбе-Бӯстон-Чаноқ» дар се марҳила ба анҷом мерасад.

           

Душанбе. 18-уми феврал. ОИ «Азия-Плюс» – Дар доираи бурси барномавии саввум барои таҳияи чорабиниҳо бо мақсади рушд Бонки ҷаҳонӣ ҷиҳати дастгирии буҷаи давлатӣ ба Тоҷикистон 20 млн.


$




ҷудо мекунад.

           

Дар иттилоияи расмии интишоргаштаи намояндагии бонк дар Тоҷикистон гуфта мешавад, ки «бурси барномавии саввум барои таҳияи чорабиниҳо бо мақсади рушд ба дастгирии ислоҳот дар бахши хусусӣ, идораи бахши давлатӣ ва хизматрасонии иҷтимоӣ равона гардидааст». Бо дархости ҳукумати Тоҷикистон мақомоти раҳбарии бонк ҳаҷми бурсро аз 10 млн. долллари пешбинишуда то 20 млн. $ зиёд кардааст. «Бурси мазкур ба Тоҷикистон барои коҳиши оқибатҳои ногувори бӯҳрони молии ҷаҳонӣ ихтисос дода мешавад», – оварда шудааст дар иттилоия.

           

Дар иттилоия ҳамчунин зикр мегардад, ки қабл аз тавофуқ ҳосил кардан оид ба ҷудо кардани ин бурс ҳукумати ҷумҳурӣ дар бахшҳои калидӣ як қатор ислоҳот ҷорӣ сохтааст. Тибқи иттилои бонк, ин саввумин бурсест, ки бонк ҷиҳати дастгирии барномаи ислоҳоти ҳукумат баҳри коҳиши сатҳи камбизоатӣ ҷудо менамояд.