Душанбе. 17-уми октябр. ОИ «Азия-Плюс» – Имрӯз дар маҷмааи давлатии «Кохи Ваҳдат»-и шаҳри Душанбе Анҷумани панҷуми Палатаи савдо ва саноати Тоҷикистон ба кор оғоз кард.

Тавре муовини аввали палата Одил Сангов ба ОИ «Азия-Плюс» хабар дод, дар кори анҷуман намояндагони корхонаву муассисоти узви палата, намояндагиҳои палатаи савдо ва саноати кишварҳои хориҷӣ ва кормандони вазорату идораҳои ҷумҳурӣ ширкат меварзанд. Дар маросими ифтитоҳи анҷуман муовини сарвазири Тоҷикистон Муродалӣ Алимардонов суханронӣ хоҳад кард.

Дар анҷуман шарҳи ҳисоботи фаъолияти палата дар панҷ соли ахир шунида шуда, соҳибкорони тоҷику хориҷӣ бо маърӯза баромад хоҳанд кард. Ҳамчунин дар маросими ифтитоҳ изҳороти сарвари давлат ба иштирокчиёни анҷуман, ки дар он вазифаҳои минбаъдаи палата муайян карда мешаванд, қироат хоҳад шуд.

  

Қобили зикр аст, ки анҷумани палата дар панҷ сол як маротиба даъват мегардад. Тибқи маълумоти ахир, 400 корхонаву муассисоти Тоҷикистон узви палата мебошанд. Дар хориҷи кишвар беш аз 50 намояндагии Палатаи савдо ва саноати Тоҷикистон амал мекунад.

Реклама на asia+

Душанбе. 17-уми октябр. ОИ «Азия-Плюс» – Дар ҷаласаи вазирони умури хориҷии кишварҳои узви «Муколамаи ҳамкорӣ дар Осиё», ки дар пойтахти Қазоқистон – шаҳри Остона мегузарад, вазири умури хориҷии Тоҷикистон Ҳамрохон Зарифӣ дар маърӯзааш қайд кард, ки имрӯз ҷаҳон ба бӯҳрони бесобиқаи молиявӣ мувоҷеҳ гаштааст, ки он дар пай норасоии ғизову бӯҳрони энергетикиро ба бор хоҳад овард ва Тоҷикистон бо заминҳои серҳосил ва захоири бузурги обиву энергетикӣ омода аст, дар ҳалли ин масоили рӯзмарра саҳм бигирад. «Мо бо назардошти имконоти мавҷуда ва баҳри раҳоӣ аз ин мушкилот густариши ҳамкориҳои минтақавиро дар ин самт муҳим мешуморем», – гуфтааст ӯ.

Ҳ.Зарифӣ ҳамчунин фаъолияти кишварҳои узви «Муколамаи ҳамкорӣ дар Осиё»-ро пурмаҳсул арзёбӣ карда, изҳор доштааст, ки дар як муддати кӯтоҳ ин сохтор ба таҳкими муносиботи ҳамкорӣ ва эътимод, роҳандозии воситаҳои мутақобилан судманди ҳалли мушкилот дар минтақаи Осиё муваффақ гаштааст. Ба қавли вазири умури хориҷии ҷумҳурӣ, феълан дар доираи ин сохтор дар ҳудуди 20 самт, аз ҷумла паст кардани сатҳи камбизоатӣ, бахшҳои кишоварзӣ, нақлиёт, мухобирот, энергетика ва технологияҳои иттилоотӣ ҳамкориҳо амалӣ мегарданд.

Дар мавриди шарҳи масъалаи бунёди нерӯгоҳҳои обиву барқӣ дар Тоҷикистон, Ҳ.Зарифӣ таъкид сохтааст, ки иқтидори энергетикии Тоҷикистон феълан ба истеҳсоли 527 млрд. кВт/соат нерӯи барқ дар як сол арзёбӣ мешавад ва айни замон ҳамагӣ 5 дарсади он истифода мегардаду халос. «Сохтмони нерӯгоҳҳои барқӣ имкон фароҳам хоҳанд сохт, ки содироти он ба кишварҳои Осиёи Ҷанубиву Шарқӣ ва Халиҷи Форс ба роҳ монда шавад ва ман ин ҷо бори дигар таъкид сохтаниам, ки татбиқи лоиҳаҳои гидроэнергетикӣ дар Тоҷикистон ба манфиати ягон кишвари ҳамҷавори минтақа халал ворид нахоҳад сохт», – изҳор доштааст ӯ.

Ёдрас мекунем, ки чанде қабл вазири умури хориҷии Тоҷикистон Ҳамрохон Зарифӣ бо сафари кории серӯза ва барои иштирок дар кори иҷлосияи 7-уми вазирони умури хориҷии «Муколамаи ҳамкорӣ оид ба Осиё» ба пойтахти Қазоқистон – шаҳри Остона рафт.




Ҳ.Зариф


ӣ


инчунин дар дар Ҳамоиши вазирони умури хори


ҷ


ии кишварҳои мусалмон


ӣ


ва давлатҳои ғарб таҳти унвони «


Ҷ


аҳони умум


ӣ


: рушду тавсеъа тавассути тарзу шаклҳои гуногун» низ ширкат хоҳад варзид.

Қобили зикр аст, ки дар кори и


ҷ


лосия ширнкати вазирони умури хори


ҷ


ии 30 кишвари дунё дар назар аст. «Муколамаи ҳамкор


ӣ


оид ба Осиё»

 

соли 2002 таъсис ёфта, То


ҷ


икистон 4 сол пеш ба узвияти он пайвастааст.

Реклама на asia+

Душанбе. 17-уми октябр – Президенти кунунии Озарбой


ҷ


он Илҳом Алиев ин курсиро барои 5 соли дигар ҳифз кард. Комиссияи интихоботи Озарбой


ҷ


он бар асоси шумориши 70 дарсади овозҳо гуфт, дар интихоботи президентии р


ӯ


зи 15 октябр Илҳом Алиев 89 дарсади овозҳоро ба даст овардааст. Мизони иштироки мардум дар интихобот ҳудуди 77 фоиз бароварда шудааст.

Шаш ташаккули умдаи мухолифини озар


ӣ


интихоботро таҳрим карда, гуфтаанд, ки маҳдуд будани демократия ва озодии матбуот ширкати онҳоро дар ин маърака беҳуда мекунад.

Реклама на asia+

           

Душанбе. 16-уми октябр. ОИ «Азия-Плюс» – Имрӯз дар ҷараёни баргузории иҷлосияи 15-уми Маҷлиси вакилони халқи шаҳри Душанбе даъвати сеюм шаҳрдори пойтахт Маҳмадсаид Убайдуллоев пешниҳод кард, ки рӯзи шанбеи дуввуми ҳар моҳ дар шаҳри Душанбе рӯзҳои санитариву эпидемиологӣ гузаронида шавад.

           

«Ин рӯзҳо бо навбат дар шаҳраку маҳаллаҳо, корхонаву муассисаҳо ва бозору иншоотҳои дигар баргузор гардида, баҳри ободониву тозагӣ ва риояи талаботи санитариву эпидемиологӣ равона хоҳанд шуд», – гуфт раиси шаҳр ва афзуд, ки баргузории чунин рӯзҳо аз моҳи ноябр шурӯъ мешаванд.

           

М.Убайдуллоев ҳамчунин зикр кард, ки дар ин рӯз бояд ҳар як сокини пойтахт дар ободониву тозагии шаҳр саҳм бигирад. Намояндагони маҷлиси вакилони халқи шаҳри Душанбе пешниҳоди раиси пойтахтро дастгирӣ карданд.

Реклама на asia+

Душанбе. 16-уми октябр. ОИ «Азия-Плюс» – Нахустин шабакаи давлатии иттилоотии телевизиони Тоҷикистон – «Ҷаҳоннамо» аз моҳи ноябр ба кор шурӯъ мекунад.

Имрӯз дар нишасти матбуотӣ раиси Кумитаи телевизион ва радиои назди ҳукумати Тоҷикистон Асадулло Раҳмонов изҳор дошт, ки шабакаи иттилоотӣ шабонарӯзӣ буда, забони асосии он – тоҷикӣ хоҳад буд.

«Пас аз шурӯъи фаъолият дар марҳилаи аввал мавҷҳои он фарогири ҳудуди 60 дарсади қаламрави ҷумҳурӣ хоҳанд буд», – гуфт ӯ.

Дар мавриди мавзӯъҳои афзалиятноки шабакаи оянда А.Раҳмонов ҳамчунин зикр кард, ки дар он ба соҳаи варзиш низ таваҷҷӯҳи хос зоҳир хоҳад шуд. Номбурда афзуд, ки оғози фаъолияти шабакаи телевизиони муштараки форсизабонон дар соли 2009 ба нақша гирифта шудааст.

Реклама на asia+