Ҳавои моҳи феврал дар Тоҷикистон аз маъмулӣ дида гармтар мешавад. Дар аксари минтақаҳо ҳарорат аз меъёри иқлимӣ 1-2 дараҷа баландтар пешбинӣ мешавад. Дар ин бора ба “Азия-Плюс” аз Оҷонсии ҳавошиносӣ хабар доданд.
Ба иттилои манбаъ, боришот дар ҳудуди меъёр ва каме баландтар аз он дар назар буда, дар як қатор ноҳияҳо шамоли сахт мевазад ва туман мефарояд.
Вилояти Хатлон ва водиҳои шаҳру ноҳияҳои тобеи ҷумҳурӣ
Ҳарорати миёнаи моҳона аз меъёри иқлимӣ баланд мешавад. Дар водиҳо он 4-8 дараҷа гарм ва дар доманакӯҳҳо – 0-3 дараҷа гарм мешавад.
Тайғирёбии ҳарорат дар давоми моҳ назаррас хоҳад буд: дар водиҳо шабона аз 4-9 дараҷа гарм то 2-3 дараҷа сард ва рӯзона аз 4-9 то 10-15 даарҷа гарм. Дар доманакӯҳҳо ҳарорат шабона аз 2-7 дараҷа хунук то 0-5 дараҷа гарм ва рӯзона аз 2-7 то 8-13 дараҷа гарм мешавад.
Дар рӯзҳои ҷудогона поинравии ҳарорат аз эҳтимол дур нест: дар водиҳо шабона ҳарорат 1-6 дараҷа сард ва рӯзона – то 0-5 дараҷа гарм, дар доманакӯҳо шабона 5-10 дараҷа сард, рӯзона – аз 4 дараҷа хунук то 1 дараҷ гарм поин меравад.
Боришот дар ҳудуди меъёр ва баландтар аз он пешбинӣ мешавад: 28-33 миилметр дар водиҳо ва 110-130 миллиметр дар доманакӯҳҳо. Давоми моҳ пурзӯр шудани вазиши шамол аз сатми ғарб то 17-22 метр дар як сония ва фаромадани туман дар назар аст.
Вилояти Суғд
Ҳарорати миёнаи ҳаво дар ҳудуди меъёр ва баъзан 1 дараҷа баландтар мешавад. Ҳарорат дар водиҳои 2-4 дараҷа гарм ва дар ноҳияҳои кӯҳӣ – 3-5 дараҷа хунук мешавад.
Давоми моҳ ҳарорат тағйир меёбад: дар водиҳо шабона – аз 3 дараҷа хунук то 2 дараҷа гарм то 1-6 дараҷа гарм, рӯзона аз 2-7 то 8-13 дараҷа гарм мешавад. Дар ноҳияҳои кӯҳӣ шабона ҳарорат аз 4 дараҷа хунук то 1 дараҷа гарм ва то 5-10 дараҷа хунук, рӯзона – аз 3 дараҷа хунук то 2 дараҷа гарм ва то 3-8 дараҷа гарм мешавад.
Дар рӯзҳои ҷудогона сардиҳо аз эҳтимол дур нест: дар водиҳо шабона ҳарорат то 3-8 дараҷа поин рафта, рӯзона аз 4 дараҷа хунук то 1 дараҷа гарм, дар ноҳияҳои кӯҳӣ рӯзона – то 10-15 дараҷа хунук ва рӯзона – то 1-6 дараҷа хунук мешавад.
Боришот дар ҳудуди меъёр ва балндтар аз он пешгӯӣ мешавад: дар водиҳо 13-38 миллиметр, дар ноҳияҳои кӯҳӣ – 18-22 миллиметр. Пурзӯр шудани суръати вазиши шамол ва фаромадани туман дар назар аст.
Ноҳияҳои кӯҳии тобеи марказ ва ғарби ВМКБ
Ҳарорати миёнаи моҳона ба меъёр наздик ва баъзан 1 дараҷа баландтар аз он пешбинӣ мешавад. Ба ҳисоби миёна – аз 3 дараҷа хунук то 2 дараҷа гарм, дар ноҳияҳои ҷудогона – то 6-8 дараҷа хунук.
Шабона ҳарорат аз 5-10 дараҷа хунук то 1-6 дараҷа хунук, рӯзона аз 5 дараҷа хунук то 3-8 дараҷа гарм тағйир меёбад. Рӯзҳои ҷудогона поинравии ҳарорат шабона то 10-15 дараҷа хунук, рӯзона то 3-8 дараҷа хунук аз эҳтимол дур нест.
Боришот дар ҳудуд ё баландтар аз меъёр пешбинӣ мешавад: дар ноҳияҳои кӯҳӣ – 37-130 миллиметр, дар нишебиҳои қаторкӯҳи Ҳисор – то 141 миллиметр, дар ғарби ВМКБ – 8-59 миллиметр. Пурзӯр шудани суръати вазидани шамол аз самти ғарб то 17-22 метр дар як соният ва фаромадани туман дар назар аст.
Ноҳияҳои шарқи ВМКБ
Моҳи феврал аз маъмулӣ сардтар мешавад. Ҳарорати миёнаи моҳона 14-15 дараҷа хунук ва дар Булункӯл – то 22 дараҷа хунукро ташкил хоҳад дод.
Шабона ҳарорат то 22-27 дараҷа хунук, дар рӯзҳои ҷудогона – то 31-36 дараҷа хунук поин меравад. Рӯзона аз 0-5 то 5-10 дараҷа хунук, баъзан то 10-15 дараҷа хунук пешгӯӣ мешавад.
Боришот нисбатан камтар – 4-16 миллиметр ва баъзан аз меъёр зиёдтар мешавад. Суръати вазиши шамол метавонад то 12-17 метр дар як сония пурзӯр шавад.
