Имрӯз тахминан соатҳои 15-и вақти маҳаллӣ дар тарабхонаи «Шаббода» (собиқ «Миллениум»), ки дар хиёбони Синои пойтахт воқеъ аст, сӯхтор сар зад.
Ба қавли шоҳидон, оташ қариб тамоми бинои тарабхонаро фаро гирифтааст. Айни замон чор дастаи оташнишонӣ ба хомӯш кардани сӯхтор машғул буда, вале то ҳол хомӯш кардани он муяссар нагардидааст.
Тибқи маълумоти пешакӣ, дар сӯхтор талафоти ҷонӣ ба қайд гирифта нашудааст. Дар Сарраёсати хадамоти оташнишонии ВКД ҶТ алҳол аз шарҳи масъала худдорӣ варзиданд.
