Соли гузашта ба Тоҷикистон ба маблағи зиёда аз 75,5 млн. $ кӯмаки башардӯстона ворид гардид.
Дар ин давра ба Тоҷикистон 45 кишвари ҷаҳон дасти ёрӣ дароз намуданд. Дар байни кишварҳо-донорон вазни нисбатан хос аз рӯи арзиш ба ИМА – 46,4%, Русия – 10,4%, Чин – 10,2 ва Нидерланд – 5,1% рост меояд.
Бино ба маълумоти Агентии омори назди президенти ҷумҳурӣ, дар ин давра ба сифати кӯмаки башардӯстона ба ҷумҳурӣ 13,6 ҳазор тонна орд ба маблағи ҳудуди 7 млн. доллари ИМА, 658 тонна равғани рустанӣ ба маблағи зиёда аз 1 млн. $, воситаҳои дорувориву таҷҳизоти тиббӣ ба маблағи умумии зиёда аз 34,7 млн. $, сарулибос ва пойафзол ба маблағи беш аз 3 млн. $ ва ҳамчунин дигар маҳсулоти ғизоиву таҷҳизоти тиббӣ, кӯрпаву ҷойхоб, дастгоҳҳои барқиву таҷҳизоти компютерӣ ва ғайра ворид гардиданд.
