Аз рӯи натиҷаҳои семоҳаи аввали соли равон ҳаҷми қарзи давлатии хориҷии Тоҷикистон 2 млрд. 125,75 млн. доллари ИМА-ро ташкил дод, ки ба 25,2%-и Маҷмӯи маҳсулоти дохилӣ (ММД) баробар аст.
Тавре ба ОИ «Азия-Плюс» аз Вазорати молияи ҷумҳурӣ иттилоъ доданд, аз ҳисоби пардохт дар зарфи се моҳи соли равон қарзи хориҷии кишвар ба миқдори 43,66 млн. $ коҳиш ёфта, аввали соли ҷорӣ ин нишондиҳанда 2 млрд. 169,41 млн. $ ё худ 28,5%-и ММД-ро ташкил медод.
Тавре қаблан хабар дода шуда буд, соли 2013 барои пардохти қарзи асосӣ – 100,4 млн. ва пардохти фоизҳо – ҳудуди 33 млн. доллари ИМА равона мегардад.
