Чанде қабл вазири корҳои хориҷии ҶТ Ҳамрохон Зарифӣ сафири навтаъини Ҷумҳурии Федеративии Олмон дар Тоҷикистон ҷаноби Холгер Грэнро ба муносибати супоридани нусхаи эътимоднома ба ҳузур пазируфт.
Тибқи иттилои дафтари матбуоти ин ниҳод, баъд аз маросими супоридани нусхаи эътимоднома, сӯҳбати вазир бо сафир баргузор гардид. Дар рафти он Зарифӣ сафирро хайрамақдам гуфта, изҳори умедворӣ намуд, ки сафири кишвари дӯст барои таҳким ва инкишофи минбаъдаи муносибатҳои дуҷонибаи Тоҷикистону Олмон саҳми сазовор хоҳад гузошт.
Зимни вохӯрӣ ҷонибҳо ҳамчунин дар мавзӯи ҳамкориҳо дар соҳаи об, ки масъалаи мубрами рӯз аст, мубодилаи афкор намуданд. Рушди ҳамгироии минтақавӣ ва дурнамои вазъият дар Афғонистон дар пасманзари хуруҷи қувваҳои эътилофи зиддитеррористӣ аз ин кишвар дар соли 2014 низ мавриди табодули назари ҷонибҳо қарор гирифтанд.
