Тоҷикистон воридоти гази моеъро назар ба моҳҳои январ-июли соли 2012 ба 67 дарсад афзуд.
Тавре ба Хабаргузории «Азия-Плюс» дар Вазорати энергетика ва саноати Тоҷикистон иттилоъ доданд, дар зарфи 7 моҳи соли ҷорӣ ба ҷумҳурӣ 101, 194 тонна гази моеъ ворид карда шудааст.
«Фурӯши ҳармоҳаи гази моеъ дар саросари ҷумҳурӣ се баробар боло рафтааст. Агар соли гузашта ба ҳисоби миёна аз Нуқтаҳои фурӯши сӯзишворӣ ҳар моҳ 5 ҳазорӣ тонна ин навъи мавод ба фурӯш бароварда шуда бошад, он гаҳ соли ҷорӣ фурӯши ин намуди сӯзишворӣ ҳармоҳа ба ҳисоби миёна беш аз 15 ҳазор тоннаро ташкил медиҳад»,-тавзеҳ доданд дар вазорат.
Тибқи ин маълумот, тавре дар вазорат зикр карданд, теъдоди автомобилҳое, ки бо гази моеъ ҳаракат мекунанд, чанде зиёд шуда, имрӯз аз 50% (соли 2012 40%) мегузарад.
Тибқи маълумоти омории Хадамоти гумруки Тоҷикистон, дар давоми 7 моҳи соли ҷорӣ ба Тоҷикистон бо маблағи $586 як тонна гази моеъ ворид карда шудааст. Ин дар ҳолест, ки дар зарфи январ-июли соли сипаришуда арзиши як тонна гази моеъ аз $697 беш набуд.
Агар сухан дар хусуси бозори чакана равад, ҳоли ҳозир дар НФС-и пойтахт арзиши як литр гази моеъ ба ҳисоби миёна 3 сомониро ташкил медиҳад.
Ҳамаи гази моеъ ба Тоҷикистон аз Қазоқистон ворид мегардад.
