Душанбе. 11-уми сентябр. ОИ «Азия-Плюс» – Барномаи рушди Созмони Милали Муттаҳид (СММ) ба Маркази барқу гармидиҳии шаҳри Душанбе 3 ҳазор тонна мазут медиҳад.
Хабар дода мешавад, ки маросими расмии супурдани сӯзишворӣ пагоҳ дар қаламрави марказ доир мегардад.
«Ҳукумати Тоҷикистон тасмим гирифтааст, ки истеҳсоли гармӣ ва барқро дар марказ афзун намояд ва ин дар навбати худ имкон фароҳам месозад, ки маҳаллаҳои дигари шаҳр, ки бо гармӣ аз марказ таъмин нестанд, бо нерӯи барқи бештар таъмин карда шаванд», – афзуд сарчашма.
