Кормандони милиса издиҳоми дар назди тавқифгоҳи муваққатӣ (СИЗО)-и КДАМ Тоҷикистон гирдомада ба мурофиаи судии соҳибкор Зайд Саидовро пароканда месозанд.
Имрӯз нисбати Зайд Саидов ҳукми додгоҳ содир мешавад. Назди тавқифгоҳи муваққатӣ, ки дар он мурофиаи судӣ ҷараён дорад, ҳудуди 100 нафар гирдиҳам омаданд.
Хабарнигори ОИ «Азия-Плюс» аз ҷойи ҳодиса иттилоъ дод, ки беш аз 20 нафар кормандони милиса ба назди тавқифгоҳ ҳозир шуда, ба пароканда кардани мардум оғоз кардаанд. Ба гуфтаи ӯ, онҳо мегӯянд, ки «аз боло фармон шудагияй».
Миёни гирдомадагон кӯдакон ва хешону наздикони Зайд Саидов низ ҳузур доранд. Бо журналистон алҳол онҳо майли суҳбат надошта, ҳукми судро интизоранд.
