Нисбат ба собиқ директори филиали «Тоҷиксодиротбонк» дар ноҳияи Кӯҳистони Мастчоҳи вилояти Суғд мутобиқи моддаи 247, қ. 2-и Кодекси ҷиноии ҶТ (Қаллобӣ) парвандаи ҷиноӣ боз шуд.
Тавре ба «Азия-Плюс» аз Раёсати ВКД Тоҷикистон дар вилояти Суғд хабар доданд, муайян карда шудааст, ки собиқ директори филиал дар ноҳия, Р.А.-и 53-сола бо роҳи фиреб ба боварии се сокини маҳаллӣ даромада, тариқи сохтакории ҳуҷатҳо аз онҳо 200 ҳазор сомонӣ маблағ гирифтааст. «Ӯ ин маблағи пулиро барои эҳтиёҷоти шахсии худ масраф кардааст», – гуфтанд дар раёсат.
Зимнан зикр гардид, ки аз рӯйи далели мазкур тафтиш идома дорад.
