Ҳукумати Русия ҷиҳати пардохти ихтиёрии 246 млн. рубл ба Фонди байнидавлатии ҳамкории гуманитарии Иттиҳоди Давлатҳои Мустақил (ИДМ) супориш дод.
Бино ба иттилои РИА Новости, фаъолияти фонд ба рушди фазои умумии гуманитарӣ ва муколамаи байнифарҳангӣ дар ИДМ тавассути маориф, илм, фарҳанг, коммуникатсияҳои оммавӣ ва иттилоотӣ, варзиш, сайёҳӣ ва кор бо ҷавонон нигаронида шудааст.
«Вазорати молияи Русия пардохти маблағро аз ҳисоби воситаҳои ҷудошудаи буҷети пешбинишуда ба Вазорати молияи Русия дар буҷети федералӣ барои соли 2014 таъмин намояд», – хабар медиҳад КоммерсантЪ бо истинод ба матни ҳуҷҷати дахлдор.
Тибқи маълумоти сомомонаи Фонди ҳамкории гуманитарӣ, фонд бар асоси шартномаи баимзорасида дар ҷаласаи нахуствазирони кишварҳои узви ИДМ рӯзи 25-уми майи соли 2006 дар Душанбе аз ҷониби ҳафт кишвар – Арманистон, Белорус, Қазоқистон, Қирғизистон, Русия, Тоҷикистон ва Ӯзбекистон амал мекунад. Соли 2008 ба ин шартнома Озарбойҷон низ ҳамроҳ шуд.
