Аввали ҳафтаи равон дар Қоҳира Вазири корҳои хориҷии Ҷумҳурии Арабии Миср Сомеҳ Шукрӣ Сафири нави Фавқулода ва Мухтори Ҷумҳурии Тоҷикистон дар Ҷумҳурии Арабии Миср Хусрав Нозириро ба муносибати супоридани нусхаи Эътиборнома ба ҳузур пазируфт.
Бино ба маълумоти департаменти иттилооти Вазорати корҳои хориҷии ҶТ, дар дидори мазкур алоқамандии ду ҷониб ба густариш ва таҳкими бештари муносибатҳои дӯстӣ ва ҳамкорӣ байни Тоҷикистон ва Миср таъкид гардид.
