Душанбе. 14-уми июл. ОИ «Азия-Плюс» – Каратеисти тоҷик Умед Бадриддинов дар Полша миёни донишҷӯён дар вазни мутлақ соҳиби ҷоизаи биринҷӣ гашт.
Аз Ассотсиатсияи рӯзноманигорон соҳаи варзиши Тоҷикистон ба ОИ «Азия-Плюс» хабар доданд, ки ҳайати Тоҷикистонро дар мусобиқот президенти федератсияи карате Умархон Мадвалиев роҳбарӣ мекард. Ба иттилои манбаъ, дар мсобиқот намояндагони 40 кишвари дунё ширкат мекунанд. Мусобиқа дар таърихи 12-уми июл шурӯъ гардид.
Дар ҳамин ҳол, аз Кумитаи ҷавонон, варзиш ва сайёҳии назди ҳукумати ҶТ иттилоъ доданд, ки ҳайати дастаи мазкур чанде қабл дар мусобиқоти байнулмилалӣ дар Русия ширкат варзида, он ҷо низ соҳиби ҷоизаҳо гардидааст.
