Дар Рӯзи ҷашни истиқолияти давлатии Тоҷикистон, 9-уми сентябр дар маркази маъмурии ноҳияи Муъминободи вилояти Хатлон маросими ифтитоҳи бинои дуошёнаи дафтари кории Ассотсиатсияи соҳибкорони ноҳия баргузор мешавад.
Раиси ноҳияи Муъминобод Пирмадхон Зарифӣ ба «Азия-Плюс» дар ин робита изҳор намуд, ки сохтмони иншооти мазкурро Бунёди Оғо Хон маблағгузорӣ кардааст.
Ба гуфтаи раиси ноҳия, ба ҷуз дафтари кории Асссотсиатсия дар бино ҳамчунин даҳҳо хадамоти хизматгузорӣ низ фаъолият хоҳанд кард.
Зикр гардид, ки рӯзи ҷашни Истиқлолияти давлатӣ дар ноҳияи Муъминобод ҳамчунин 12 иншооти дигар, аз ҷумла мактаби ибтидоӣ барои 100 нафар хонанда дар деҳаи Боғча (бо маблағгузории корманди бонки пойтахт Амирхон Қурбонов) ва мактаб барои 200 нафар толибилмон (бо маблағгузорӣ аз буҷети ҷумҳуриявӣ) низ ба истифода дода мешаванд. «Дар ноҳия ҳамчунин сохтмони варзишгоҳи марказӣ ва Кохи фарҳанг низ идома дорад», – афзуд раиси ноҳия.
