Душанбе. 8-уми июл. ОИ «Азия-Плюс» –
Дар То
ҷ
икистон маъракаи дарави ғалла ав
ҷ
мегирад.
Аз дафтари матбуоти Вазорати кишоварзии ҶТ хабар доданд, ки то имрӯз дар киштзорҳо 166 ҳазору 309 тонна зироати ғалладона ҷамъоварӣ карда шудааст, ки нисбат ба ҳамин давраи соли гузашта ба андозаи 72 ҳазору 113 тонна бештар мебошад.
Мутахассисини вазорат ба ОИ «Азия-Плюс» иттилоъ доданд, ки майдони умумии кишти зироатҳои ғалладонагӣ 291 ҳазору 447 гектарро ташкил медиҳад ва то имрӯз дар 98 ҳазору 925 гектараш дарав ба анҷом расидааст.
«Имрӯз ба маъракаи дарави ғалла 317 комбайнҳо сафарбар карда шудаанд», – зикр кард сарчашма.
Бино ба иттилои манбаъ, аз майдони умумии кишти зироатҳои ғалладона 70 фоизашро гандум ташкил медиҳад ва соли ҷорӣ ғаллакорон вазифадор карда шудаанд, ки аз заминҳои обӣ наздик ба 700 ҳазор тонна ғалла ҷамъоварӣ намоянд.
«Соли гузашта дар майдони 273 ҳазору
403 гектар
зироатҳои ғалладона кишт шуда, 931 ҳазору 204 тонна ҳосил ҷамъоварӣ гардид, ки 649,3 ҳазори онро гандум ташкил медод», – афзуданд дар Вазорати кишоварзии ҶТ.
